ആറ്റിങ്ങൽ:ആറ്റിങ്ങൽ ബൈപാസ് ഉൾപ്പെടുന്ന ദേശീയപാത 66-ന്റെ കടമ്പാട്ടുകോണം-മാമം ഭാഗത്തെ വികസനത്തിനായി ഭൂമിയേറ്റെടുക്കുന്നതിനുള്ള ഹിയറിഗ് 5ന് തുടങ്ങുമെന്ന് സ്‌പെഷ്യൽ തഹസീൽദാർ ശ്രീകുമാർ അറിയിച്ചു. വർക്കല,​ചിറയിൻകീഴ് താലൂക്കുകളിൽ ഉൾപ്പെട്ട ഭൂമിയാണ് പദ്ധതിക്കായി ഏറ്റെടുക്കുന്നത്.ആറ്റിങ്ങൽ മിനി സിവിൽ സ്റ്റേഷൻ വളപ്പിലെ എൽ.എ (എൻ.എച്ച്)​ സ്പെഷ്യൽ തഹസിൽദാറുടെ ഓഫീസിലാണ് ഭൂവുടമകൾ ഹിയറിംഗിന് എത്തേണ്ടത്. കൊവിഡ‌് മാനദണ്ഡങ്ങൾ പാലിച്ച് ഹിയറിംഗ് നടത്തുന്നതിലാൽ സർവേ നമ്പർ അടിസ്ഥാനത്തിൽ രാവിലെയും ഉച്ചയ്ക്കുമായി 19 പേർ വീതമാണ് ഹിയറിംഗ് നടക്കുക.നാവായിക്കുളം വില്ലേജിലെ ബ്ലോക്ക് നമ്പർ 22 ൽ ഉൾപ്പെട്ട ഭൂമിയുടെ ഹിയറിംഗാണ് തിങ്കളാഴ്ച നടക്കുന്നത്. ഉടമകൾ ഭൂമിയുടെ അസൽ ആധാരം,​ മുന്നാധാരത്തിന്റെ അസലോ കോപ്പിയോ,​നികുതി ഒടുക്കിയ രസീത്,​കൈവശാവകാശ സർട്ടിഫിക്കറ്റ്,​ ഏറ്റെടുക്കുന്ന ഭൂമിയിൻമേൽ ജപ്തി നടപടികൾ ഇല്ലെന്നുള്ള സർട്ടിഫിക്കറ്റ്,​ 15 വർഷത്തെ ബാദ്ധ്യതാ സർട്ടിഫിക്കറ്റ്,​ തണ്ടപ്പേര് പകർപ്പ്,​ കെട്ടിട നികുതി രസീത്,​ ഉടമസ്ഥാവകാശ സർട്ടിഫിക്കറ്റ് ,​ ഭൂമിയുടെ ഉടമ ജീവിച്ചിരിപ്പില്ലെങ്കിൽ മരണ സർട്ടിഫിക്കറ്റ്,​ അനന്തരാവകാശ സർട്ടിഫിക്കറ്റ്,​ പവർഓഫ് അറ്റോർണി,​ തിരിച്ചറിയൽ കാർഡ് ബാങ്ക് പാസ്ബുക്കിന്റെ പകർപ്പ് എന്നിവയാണ് പരിശോധനയ്ക്ക് ഹാജരാക്കേണ്ടത്. 5ന് രാവിലെ 10.30 മുതൽ 11/16, 11/17, 11/18, 11/19, 11/20, 11/21, 11/22, 11/23, 11/24, 11/25, 11/26, 18/16, 15/22, 15/23, 15/24, 15/25, 15/26, 15/27, 15/28 എന്നീ സർവേ നമ്പരുകളുടെയും ഉച്ചയ്ക്ക് 2.30-മുതൽ 15/29, 15/30, 15/31, 15/32, 15/33, 15/34, 15/35, 16/29, 16/30, 16/31, 72/19, 72/20, 71/17, 71/18, 71/19, 71/20, 71/21, 71/22, 71/24. എന്നീ സ‌ർവേ നമ്പരുകളുടെയും രേഖകളാണ് പരിശോധിക്കുക.