കൗമുദി ടിവിയിലെ 'അളിയൻസ്" 100 എപ്പിസോഡ് പിന്നിട്ട് മുന്നേറുന്നു

നാ​ട്ടി​ൻ​പു​റ​ത്തെ​ ​ക​ണ്ടു​ ​മ​റ​ന്ന​ ​കാ​ഴ്ച​ക​ളും​ ​സാ​ധാ​ര​ണ​ ​ജീ​വി​ത​ത്തി​ലെ​ ​ര​സ​ച്ച​ര​ടും​ ​കോ​ർ​ത്തി​ണ​ക്കി​ ​ഒ​രു​ ​സ​ന്തു​ഷ്ട​ ​കു​ടും​ബം​ ​പോ​ലെ​ ​'​അ​ളി​യ​ൻ​സ്'.​ ​ശ​ക്ത​മാ​യ​ ​കൂ​ട്ടു​കെ​ട്ടാ​ണ് ​അ​ളി​യ​ൻ​സി​ന്റെ​ ​വി​ജ​യം.​ ​ക​ന​ക​നും​ ​ക്ളീറ്റസും ​ത​ങ്കു​വും​ ​ലി​ല്ലി​യും​ ​ഗി​രി​രാ​ജ​നും​ ​മു​ത്തും​ ​ന​മ്മു​ക്ക് ​കു​ടും​ബാം​ഗ​ങ്ങ​ൾ.​ ​കൗ​മു​ദി​ ​ടി​വി​യി​ൽ​ ​സം​പ്രേ​ഷ​ണം​ ​ചെ​യ്യു​ന്ന​ ​അ​ളി​യ​ൻ​സ് ​സി​റ്റു​വേ​ഷ​ണ​ൽ​ ​കോ​മ​ഡി​ ​(​ ​സി​റ്റ് ​കോം​)​​​നി​റ​ച്ച് ​ചി​രി​പ്പി​ക്കു​ക​യും​ ​ചി​ന്തി​പ്പി​ക്കു​ക​യും​ ​ചെ​യ്യു​ന്നു.​ ​നൂ​റു​ ​എ​പ്പി​സോ​ഡു​ ​ക​ട​ന്ന് ​അ​ളി​യ​ൻ​സ് ​ഓ​ടി​പ്പോ​വു​ക​യാ​ണ്.
'​'​ടീം​ ​വ​ർ​ക്കി​ന്റെ​ ​വി​ജ​യ​മാ​ണി​ത്.​ ​വ​ലി​യ​ ​ഒ​രു​കൂ​ട്ടാ​യ്മ​ ​ന​ൽ​കു​ന്ന​ ​ശ​ക്തി.​ ​ഞ​ങ്ങ​ൾ​ ​എ​ല്ലാ​വ​രും​ ​കൂ​ടി​ ​ഇ​രു​ന്ന് ​ആ​ശ​യ​ങ്ങ​ൾ​ ​ക​ണ്ടെ​ത്തും.​ ​ലൊ​ക്കേ​ഷ​നി​ലി​രു​ന്നു​ ​സ്ക്രി​പ്ട് ​വാ​യി​ക്കും.​ ​അ​പ്പോ​ൾ​ത്ത​ന്നെ​ ​നി​ർ​ദ്ദേ​ശ​ങ്ങ​ൾ​ ​ഉ​ണ്ടാ​കു​ന്നു.​ ​ന​ല്ല​ത് ​സ്വീ​ക​രി​ക്കും.​ ​ആ​വ​ർ​ത്ത​ന​ ​വി​ര​സ​ത​ ​അ​നു​ഭ​വ​പ്പെ​ടാ​തി​രി​ക്കാ​ൻ​ ​പ്ര​ത്യേ​കം​ ​ശ്ര​ദ്ധി​ക്കാ​റു​ണ്ട് ​-​ ​സം​വി​ധാ​യ​ക​ൻ​ ​രാ​ജേ​ഷ് ​ത​ല​ച്ചി​റ​യു​ടെ​ ​വാ​ക്കു​ക​ൾ.
ക​ഥാ​പാ​ത്ര​ങ്ങ​ൾ​ക്ക് ​ആ​ർ​ഭാ​ട​ ​വേ​ഷ​മി​ല്ല.​ ​മേ​ക്ക​പ്പി​ല്ല.​ ​സ്വ​ന്തം​ ​വീ​ടി​നു​ള്ളി​ൽ​ ​വീ​ട്ടു​കാ​ർ​ ​അ​റി​യാ​തെ​ ​കാ​മ​റ​ ​വ​ച്ചാ​ൽ​ ​എ​ങ്ങ​നെ​ ​പെ​രു​മാ​റും​ ​എ​ന്ന​ ​രീ​തി​യി​ലാ​ണ് ​ചി​ത്രീ​ക​ര​ണം.​ ​അ​തു​കൊ​ണ്ടു​ത​ന്നെ​യാ​ണ് ​ക​ന​ക​നും​ ​ലി​ല്ലി​യും​ ​ക്ളീ​റ്റ​സും​ ​ത​ങ്ക​വും​ ​ന​മ്മു​ടെ​ ​സ്വീ​ക​ര​ണ​മു​റി​ ​വി​ട്ടു​പോ​കാ​ത്ത​ത്.​ ​'​'​അ​ര​മ​ണി​ക്കൂ​ർ​ ​നേ​രം​ ​കൊ​ണ്ടു​ ​പ​റ​യു​ന്ന​ത് ​പ​രി​മി​ത​മാ​യ​ ​വി​ഷ​യ​ങ്ങ​ൾ.​ ​സി​ങ്ക് ​സൗ​ണ്ട് ​ചി​ത്രീ​ക​ര​ണ​മാ​ണ്.​ ​അ​ഞ്ചു​മി​നി​ട്ട് ​സീ​നും​ ​ഒ​റ്റ​ ​ടേ​ക്കി​ൽ​ ​പോ​കും.​ ​ര​ണ്ട് ​കാ​മ​റ​യു​ടെ​ ​സ​ഹാ​യ​ത്തോ​ടെ​ ​ചി​ത്രീ​ക​ര​ണം.​ ​താ​ര​ങ്ങ​ൾ​ ​എ​ല്ലാ​വ​രും​ ​സി​ങ്ക് ​സൗ​ണ്ട് ​സം​വി​ധാ​ന​വു​മാ​യി​ ​ചേ​ർ​ന്നു​നി​ൽ​ക്കു​ന്നു.​ ​അ​ളി​യ​ൻ​സ് ​ഗ്രൂ​പ്പും​ ​അ​ളി​യ​ൻ​സ് ​ഫേ​സ് ​ബു​ക്ക് ​കൂ​ട്ടാ​യ്മ​യും​ ​പ​ങ്കു​വ​യ്ക്കു​ന്ന​ ​ആ​ശ​യ​ങ്ങ​ളും​ ​സ്വീ​ക​രി​ക്കാ​റു​ണ്ട്.​ ​അ​ഞ്ച് ​സം​സ്ഥാ​ന​ ​അ​വാ​ർ​ഡു​ക​ൾ​ ​അ​ളി​യ​ൻ​സ് ​ക​ര​സ്ഥ​മാ​ക്കി​യി​ട്ടു​ണ്ട് ​-​ ​'​അ​ളി​യ​ൻ​സി​ന്റെ​ ​ര​സ​ക്കൂ​ട്ടി​നു​ ​പി​ന്നി​ലെ​ ​ക​ഥ​ ​വെ​ളി​പ്പെ​ടു​ത്തി​ ​രാ​ജേ​ഷ് ​ത​ല​ച്ചി​റ.​രാ​ജീ​വ് ​ക​രു​മാ​ടി​യാ​ണ് ​മു​ഖ്യ​തി​ര​ക്ക​ഥാ​കൃ​ത്ത്.​ ​ശ്രീ​കു​മാ​ർ​ ​അ​റ​യ്ക്ക​ൽ,​ ​ഷി​ഹാ​ബ് ​ക​രു​നാ​ഗ​പ്പ​ള്ളി,​ ​സു​കു​ ​കി​ള്ളി​പ്പാ​ലം​ ​എ​ന്നി​വ​രും​ ​എ​ഴു​ത്തി​ൽ​ ​സ​ഹാ​യി​ക്കു​ന്നു.​ ​ഗൃ​ഹാ​തു​ര​ത്വ​ത്തി​ന്റെ​ ​കാ​ഴ്ച​യാ​ണ് ​അ​ളി​യ​ൻ​സ് ​ത​രു​ന്ന​തെ​ന്ന് ​പ്ര​വാ​സി​ ​മ​ല​യാ​ളി​ക​ൾ​ ​സാ​ക്ഷ്യ​പ്പെ​ടു​ത്തു​ന്നു.​ ​അ​താ​ണ് ​അ​ളി​യ​ൻ​സി​ന്റെ​ ​ഏ​റ്റ​വും​ ​വ​ലി​യ​ ​പ്ര​ത്യേ​ക​ത.​ ​സാ​ധാ​ര​ണ​ ​സീ​രി​യ​ൽ​ ​ലൊ​ക്കേ​ഷ​ൻ​ ​പോ​ലെ​ ​ആർഭാടങ്ങളി​ല്ല. ഒ​രു​ ​സാ​ധാ​ര​ണ​ ​വീ​ടും​ ​ചു​റ്റു​പാ​ടും.​ ​ഇ​ന്ന​ ​ആ​ളെ​ ​ഉ​ദ്ദേ​ശി​ച്ച​ല്ലേ​ ​ഈ​ ​ക​ഥാ​പാ​ത്ര​മെ​ന്ന് ​ചോ​ദ്യം​ ​തി​ര​ക്ക​ഥ​ ​രാ​ജീ​വ് ​ക​രു​മാ​ടി​ ​ദി​വ​സ​വും​ ​കേ​ൾ​ക്കു​ന്നു.​ ​ഞ​ങ്ങ​ളു​ടെ​ ​ക​ഥാ​പാ​ത്രം​ ​ഇ​ങ്ങ​നെ​ ​ചെ​യ്യാ​റി​ല്ലെ​ന്ന് ​പ്രേ​ക്ഷ​ക​ർ​ ​സാ​ക്ഷ്യ​പ്പെ​ടു​ത്തു​ന്നു.​ ​'​'​ ​ഇ​ത്ത​രം​ ​ക​ഥാ​പാ​ത്ര​ങ്ങ​ൾ​ ​എ​ല്ലാ​യി​ട​ത്തു​മു​ണ്ടാ​വും.​ ​അ​ളി​യ​ൻ​സി​ലെ​ ​ക​ഥാ​പാ​ത്ര​ങ്ങ​ൾ​ ​അ​തു​കൊ​ണ്ടാ​ണ് ​എ​ല്ലാ​വ​ർ​ക്കും​ ​പ്രി​യ​ങ്ക​ര​മാ​വു​ന്ന​ത്".​ ​തി​ര​ക്ക​ഥാ​കൃ​ത്ത് ​രാ​ജീ​വ് ​ക​രു​മാ​ടി​ ​എ​ഴു​ത്തി​ന്റെ​ ​വ​ഴി​ ​വെ​ളി​പ്പെ​ടു​ത്തി.​ ​സ്വ​ന്തം​ ​ഭാ​ഷ​യി​ലാ​ണ് ​ക​ഥാ​പാ​ത്ര​ങ്ങ​ളു​ടെ​ ​സം​സാ​രം.​ ​തി​രു​വ​ന​ന്ത​പു​രം​ ​മു​ത​ൽ​ ​വ​ള്ളു​വ​നാ​ട​ൻ​ ​ഭാ​ഷ​ ​വ​രെ​ ​അ​ളി​യ​ൻ​സി​ലെ​ ​ക​ഥാ​പാ​ത്ര​ങ്ങ​ളി​ൽ​നി​ന്ന് ​കേ​ൾ​ക്കാം.​ ​സ്വാ​ഭാ​വി​ക​മാ​യ​ ​അ​ഭി​ന​യം​ ​കാ​ഴ്ച​വ​ച്ച് ​താ​ര​ങ്ങ​ൾ.​ ​ക​ഥ​ ​രൂ​പ​പ്പെ​ടു​മ്പോ​ൾ​ ​മു​ത​ൽ​ ​താ​ര​ങ്ങ​ൾ​ ​എ​ല്ലാ​വ​രു​മു​ണ്ട്.​ ​അ​ളി​യ​ൻ​സ് ​വേ​ൾ​ഡ് ​വൈ​ഡും, ​ ​അ​ളി​യ​ൻ​സ് ​ഫാ​ൻ​സ് ​വാ​ട്സ് ​ആ​പ്പ് ​ഗ്രൂ​പ്പും​ ​അ​ളി​യ​ൻ​സി​നെ​ ​കൊ​ണ്ടു​ന​ട​ക്കു​ക​യാ​ണ്.​ ​മാ​നം​മു​ട്ടേ​ ​പ്ര​തീ​ക്ഷ​യി​ൽ​ ​പ്രേ​ക്ഷ​ക​ർ.​ര​ത്ന​മ്മാ​യി​ ​ആ​യി​ ​അ​ഭി​ന​യി​ക്കു​ന്ന​ ​സേ​തു​ ​ല​ക്ഷ​മി​യും​ ​ക​ന​ക​ന്റെ​ ​മ​ക്ക​ളാ​യി​ ​അ​ഭി​ന​യി​ക്കു​ന്ന​ ​ബാ​ല​താ​ര​ങ്ങ​ൾ​ ​സ​യ്യും​ ​ന​ല്ലു​വും​ ​ഇ​പ്പോ​ഴ​ത്തെ​ ​പ്ര​ത്യേ​ക​ ​സാ​ഹ​ച​ര്യം​ ​മൂ​ലം​ ​അ​ളി​യ​ൻ​സ് ​കു​ടും​ബ​ത്തി​ൽ​ ​എ​ത്തു​ന്നി​ല്ല.​ ​അ​പ്പോ​ൾ​ ​ന​മു​ക്ക് ​അ​ളി​യ​ൻ​സി​നെ​ ​കാ​ണാം.​ ​തി​ങ്ക​ൾ​ ​മു​ത​ൽ​ ​വ്യാ​ഴം​ ​വ​രെ​ .​സ​മ​യം​ ​വൈ​കി​ട്ട് 7​നും.​രാ​ത്രി​ 10​നും.​യു​ട്യൂ​ബി​ലു​മു​ണ്ട് ​കു​ടും​ബ​ ​കാ​ഴ്ച​ക്കാ​ർ.

കനകൻ വിളി

(അനീഷ് രവി)

നി​ത്യജീവി​തത്തി​ൽ എങ്ങനെയാണോ, അതാണ് കനകനെന്നാണ് കഥാപാത്രത്തെ കൈയി​ൽ കിട്ടിയപ്പോൾ തോന്നി​യത്. സംസാരം തെറ്റി​യാലും കുഴപ്പമി​ല്ല. തി​രുത്തി​ സംസാരിക്കാൻ കഴിയും. സീരിയലിലും സിനിമയിലും ഇതു സാദ്ധ്യമല്ല. 20 വർഷത്തെ അഭിനയജീവിതത്തിൽ ആദ്യമാണിത്. ജീവിതത്തെ അതേപോലെ പകർത്തുന്നു അളിയൻസ്. ലോക് ഡൗൺ കാലത്ത് പുതിയ കാഴ്ചക്കാരെ കിട്ടിയത് ഭാഗ്യമാണ്. ഒരു പ്രോജക്ടിന്റെ പ്രധാന കഥാപാത്രത്തെ അവതരിപ്പിക്കുക എന്നതും ഭാഗ്യമാണ്. കനകനായും മുത്തുരാമനായും മാത്രമല്ല, ചിലപ്പോൾ അയാളുടെ അച്ഛനായി ഞാൻ അഭിനയിക്കുന്നു. അത് വേറിട്ട അനുഭവം. മുൻപ് അങ്ങനെ ഒരു സാഹചര്യം വന്നില്ല. വിമൽ ആർ. മേനോൻ എന്നും കെ. മോഹനകൃഷ്ണൻ എന്നും വിളിച്ചവർ ഇപ്പോൾ കനകൻ എന്നു വിളിക്കുന്നു.

എല്ലാ വീട്ടിലും

ക്ളീറ്റസ്

(റിയാസ് നർമകല)

എല്ലാ കുടുംബത്തിലും എല്ലാ സുഹൃത്ത് വലയത്തിലുമുണ്ട് ക്ളീറ്റസ്. സാഹചര്യം കൊണ്ട് ഉഡായിപ്പ് കാണിക്കും. നിലനില്പിന്റെ രാഷ്ട്രീയമുണ്ട്. എന്നാൽ നന്മ നിറഞ്ഞ കുടുംബസ്നേഹി. ക്ളീറ്റസിനെ പോലുള്ളവരെ അറിയാമെന്ന് പലരും പറഞ്ഞിട്ടുണ്ട്. അത് ക്ളീറ്റസിനോടുള്ള സ്നേഹമാണ്. 'ക്ളീറ്റസ് അളിയാ" എന്നു വിളിക്കുന്നവരുണ്ട്. 'എന്നെ ഒന്നു ശ്രദ്ധിച്ചോണേ" എന്നു ബന്ധുക്കൾ ഭാര്യയോട് പറയാറുണ്ട്. ക്ളീറ്റസ് തന്ന സന്തോഷം വളരെ വലുതാണ്. കഥാപാത്രത്തിന്റെ പേര് പറഞ്ഞുവിളിക്കുന്നതിലാണ് ഏറെ സന്തോഷം.

എന്റെ ഗിരിരാജൻ അമ്മാവൻ

( മണി ഷൊർണൂർ)

വിവാഹം കഴിക്കാത്ത ഗിരിരാജൻ അമ്മാവൻ. ചേച്ചിയും മക്കളുമാണ് ​ ആകെ ബന്ധുക്കൾ. ചേച്ചിയുടെ പഎൺമക്കളും ഭർത്താക്കൻമാരും തമ്മിലുള്ള പ്രശ്നം പരിഹരിക്കാനാണ് അമ്മാവൻ വരുന്നത്. അഭിനയ ജീവിതത്തിൽ മികച്ച വേഷമാണ് ഗിരിരാജൻ അമ്മാവൻ. ഷൊർണൂർ കുളപ്പുള്ളിയാണ് നാട്. അറുമുഖൻ എന്നാണ് പേര്. നാട്ടുകാർക്ക് ഞാൻ മണി ആണ്. ഇപ്പോൾ ഗിരിരാജൻ അമ്മാവനും.

തങ്കം ചേച്ചിയേ...

മഞ്ജു സുനിച്ചൻ

കിഴക്കമ്പലം എന്ന ഗ്രാമത്തിൽ പലരിലും ഞാൻ തങ്കത്തിനെ കണ്ടിട്ടുണ്ട്. എന്നോട് ചേർന്നു നിൽക്കുന്ന ആൾ. അമ്മച്ചി നല്ല പെട പെടച്ചിട്ടുണ്ട്. അതേപോലെയാണ് ഞാൻ തങ്കത്തിനെ വഴക്കു പറയുന്നത്.എന്റെ അമ്മച്ചിയിൽ ഞാൻ തങ്കത്തിനെ കണ്ടിട്ടുണ്ട്. കുശുമ്പും നുണപറച്ചിലുമെല്ലാമുണ്ട്. തങ്കം പെട്ടെന്ന് കരയും. ഞാനും പെട്ടെന്ന് കരയുന്ന ആളാണ്. ഞാൻ കണ്ടതും പരിചയപ്പെട്ടതും സ്നേഹിക്കുന്നവരുമെല്ലാം തങ്കത്തിലുണ്ട്. ഒരു ടോപ്പോ, ചുരിദാറോ ഇപ്പോൾ ഇട്ടാൽ തങ്കം ചേച്ചിയെ ഇങ്ങനെ കാണാൻ ഇഷ്ടമല്ലെന്ന് പറയുന്നവരുണ്ട്. നൈറ്റി ധരിച്ച് മുടി ചീകാതെ പൊട്ടുകുത്തി അവർക്ക് പരിചിതമായ പ്രദേശത്ത് ജീവിക്കുന്ന സ്ത്രീയായി എന്നെ കാണാനാണ് ഇഷ്ടം. അത് ഒരു അംഗീകാ‌രമാണ്. ഒരു സിനിമയിൽനിന്ന് ലഭിക്കുന്നതിനേക്കാൾ പ്രശസ്തി തങ്കം തന്നു.

ലില്ലിയെ അറിയാം

സൗമ്യ ഭാഗ്യംപിള്ള

എല്ലാ വീട്ടിലുമുണ്ട് ലില്ലി. കോമഡി സ്കിറ്റ് മാത്രം ചെയ്തുവന്ന എന്നെ അളിയൻസിൽ വിളിച്ചപ്പോൾ അത്ഭുതം തോന്നി. അതിനു മുൻപ് സീരിയൽ അഭിനയമോ ഒന്നുമില്ല. എന്റെ ഭാഗ്യമാണ് അളിയൻസ്. ഭരതനാട്യം എം.എ ചെയ്തു. നൃത്ത പ്രോഗ്രാമിനെയും ക്ളാസിനെയും ബാധിക്കാതെ അളിയൻസ് എന്നെ കൊണ്ടുപോയി. അളിയൻസ് കഴിഞ്ഞാൽ സൗഭാഗ്യ സ്കൂൾ ഒഫ് ഡാൻസിൽ അദ്ധ്യാപികയാവും. പക്രുചേട്ടനും ഹരിശ്രീ അശോകൻ ചേട്ടനും ഷാജോൺ ചേട്ടനും സിനിമ സംവിധാനം ചെയ്തപ്പോൾ വിളിച്ചെങ്കിലും അളിയൻസിനെ വിട്ടുപോകാൻ തോന്നിയില്ല.

വീട്ടിലും മുത്ത്

ബേബി അക്ഷയ

അളിയൻസിലെ മുത്തല്ലേ എന്നു കേൾക്കുമ്പോൾ സന്തോഷം. വീട്ടിലും ഞാൻ മുത്താണ്. എന്റെ ചെല്ലപ്പേരും മുത്ത് എന്നാണ്. മുത്തച്ഛൻ, മുത്തശ്ശി എന്നിവരെയെല്ലാം കിട്ടിയതിന്റെ സന്തോഷമുണ്ട്. മുൻപ് സീരിയൽ ചെയ്തിട്ടുണ്ടെങ്കിലും മുത്താണ് എനിക്ക് പേര് തന്നത്. ചില നേരത്ത് ഞാൻ മുത്തിനെ പോലെയാണ്. മുത്തിന് കുട്ടിത്തം അല്പം കൂടുതലാണ് കേട്ടോ. വട്ടപ്പാറ ലൂർദ്ദ് മൗണ്ട് സ്കൂളിൽ ഒൻപതാം ക്ളാസിൽ പഠിക്കുന്നു. ഇരുന്നൂറ് എപ്പിസോഡ് കടന്ന് അളിയൻസ് പോകട്ടേ. അളിയൻസ് ഫാമിലിയുമായി മുന്നോട്ട് പോവുക രസമാണ്.