ടോവിനോ തോമസ് നായകനായ ഹിറ്റ് ചിത്രം ഗോദയിലൂടെ മലയാളികൾ നെഞ്ചോട് ചേർത്ത നായികയാണ് പഞ്ചാബി സുന്ദരി വാമിഖ ഗാബി. ബോളിവുഡ് ചിത്രത്തിലൂടെ അഭിനയരംഗത്തേക്ക് വന്ന വാമിഖ പഞ്ചാബി, ഹിന്ദി, തമിഴ്, മലയാളം, തെലുങ്ക് തുടങ്ങിയ ഭാഷകളിൽ ശ്രദ്ധേയമായ വേഷങ്ങൾ ചെയ്തിട്ടുണ്ട്. താരം കൂടുതൽ ചിത്രങ്ങൾ ചെയ്തിരിക്കുന്നത് പഞ്ചാബിയിലാണ്. ഗോദയിൽ നായികയായി വന്നതോടെ കേരളത്തിൽ ഒരുപാട് ആരാധകരെ താരം സ്വന്തമാക്കി. സമൂഹമാദ്ധ്യമങ്ങളിൽ സജീവമായ താരം ഇപ്പോൾ തന്റെ പിറന്നാൾ ചിത്രങ്ങൾ പങ്കുവച്ചുകൊണ്ടാണ് രംഗത്ത് വന്നിരിക്കുന്നത്.

ഇൻസ്റ്റഗ്രാമിൽ ബർത്ത്ഡേ കേക്ക് മുറിക്കുന്ന വീഡിയോ പങ്കുവച്ചിട്ടുണ്ട്. താരം ബലൂണുമായി നിൽക്കുന്ന ചിത്രങ്ങളും തുടർന്നുള്ള പുത്തൻ ഫോട്ടോസും വിശേഷങ്ങളുമാണ് പങ്കുവച്ചിരിക്കുന്നത്. " ബിലേറ്റഡ് ഹേപ്പി ബർത്ത്ഡേ ടു മി " എന്ന കുറിപ്പോടെയാണ് ചിത്രങ്ങൾ പങ്കുവച്ചിരിക്കുന്നത്. താരത്തിന്റെ പുതിയ ചിത്രങ്ങൾ സമൂഹമാദ്ധ്യമങ്ങളിൽ തരംഗമായി. കാവി നിറത്തിലുള്ള ടോപ്പ് ധരിച്ച് ബലൂണുകളും കൈയിൽ പിടിച്ചുള്ള മോഡേൺ ലുക്കിലുള്ള ചിത്രങ്ങളാണ് ഇപ്പോൾ പ്രേക്ഷക ശ്രദ്ധ നേടുന്നത്. നിരവധി ലൈക്കുകളും കമന്റുകളും നൽകി വലിയ സ്വീകാര്യതയോടെയാണ് ആരാധകർ ചിത്രങ്ങൾ ഏറ്റെടുത്തിരിക്കുന്നത്.