തിരുവനന്തപുരം: സെക്രട്ടേറിയറ്റ് പൊതുഭരണ വകുപ്പിലെ പ്രോട്ടോക്കോൾ വിഭാഗത്തിലുണ്ടായ തീപിടിത്തത്തിന് കാരണം ഷോർട്ട് സർക്യൂട്ടാണെന്ന് കണ്ടെത്താനായിട്ടില്ലെന്ന് ഫോറൻസിക് പരിശോധനാഫലം.

ഷോർട്ട് സർക്യൂട്ടാണെന്നു തെളിയിക്കുന്ന ഒന്നും സ്ഥലത്തു നിന്ന് ശേഖരിച്ച സാമ്പിളുകളിൽ കണ്ടെത്താനായില്ലെന്ന് ഫോറൻസിക് ലാബിലെ ഫിസിക്സ് വിഭാഗത്തിന്റെ റിപ്പോർട്ടിൽ പറയുന്നു. കത്തിയത് ഫയലുകൾ മാത്രമാണ്. സാനി​റ്റൈസർ ഉൾപ്പെടെ മ​റ്റ് വസ്തുക്കൾ കത്തിയില്ലെന്നും സി.ജെ.എം കോടതിയിൽ സമർപ്പിച്ച റിപ്പോർട്ടിൽ പറയുന്നു. ഷോർട്ട് സർക്യൂട്ട് കാരണം പ്രോട്ടോക്കോൾ വിഭാഗത്തിലുണ്ടായിരുന്ന ടേബിൾ ഫാൻ ഉരുകിയാണ് തീപിടുത്തമുണ്ടായതെന്നാണ് ദുരന്തനിവാരണ കമ്മിഷണർ എ കൗശിഗൻ അദ്ധ്യക്ഷനായ വിദഗ്ദ്ധ സമിതിയും പൊതുമരാമത്ത് വകുപ്പും ഫയർ ഫോഴ്സും കണ്ടെത്തിയത്. ഇതിന് വിരുദ്ധമാണ് ഫോറൻസിക് റിപ്പോർട്ട്.

തീപിടിച്ച മുറിയിൽ നിന്ന് ശേഖരിച്ച 42 സാമ്പിളുകളിൽ 24 എണ്ണത്തിൽ നടത്തിയ പരിശോധനയിലാണ് തീപിടിത്തത്തിന് കാരണം ഷോർട്ട് സർക്യൂട്ടല്ലെന്ന് തെളിഞ്ഞത്. മുറിയിൽ നിന്ന് കത്തിക്കരിഞ്ഞ പേപ്പറുകൾ, ഫയലുകൾ, സാനിറ്റെെസർ, സ്പ്രേ പമ്പ് , സോഡിയം ഹെെഡ്രോ കാർബണേറ്റ് ലായനി അടങ്ങിയ ബോട്ടിൽ, കത്തിക്കരിഞ്ഞ വയർ, സ്വിച്ചുകൾ എന്നിവയാണ് കണ്ടെടുത്ത് പരിശോധനയ്ക്ക് അയച്ചത്. റിപ്പോർട്ടിന്റെ പകർപ്പ് എ.ഡി.ജി.പി മനോജ് എബ്രഹാമിനും കേസിന്റെ അന്വേഷണ ചുമതലയുള്ള എസ്‌‌.പിക്കും കൈമാറി. ഫോറൻസിക് ലാബിലെ ഫിസിക്സ്, കെമിസ്ട്രി ഡിവിഷനുകളിൽ നിന്നുള്ള ഉദ്യോഗസ്ഥരാണ് സാമ്പിളുകൾ ശേഖരിച്ചത്. തീപിടിത്തത്തിനു പിന്നിൽ ഷോർട്ട് സർക്യൂട്ടാണോ എന്നാണ് ഫിസിക്സ് ഡിവിഷൻ പരിശോധിച്ചത്. തീപിടിക്കാൻ പെട്രോൾ പോലുള്ള വസ്തുക്കൾ കാരണമായോയെന്ന് കെമിസ്ട്രി ഡിവിഷൻ പരിശോധിച്ചു.കത്തിയ സ്ഥലത്തുനിന്ന് ചാരം ഉൾപ്പെടെ ശേഖരിച്ചു. ശേഖരിച്ച സാമ്പിളുകൾ അന്വേഷണ ഉദ്യോഗസ്ഥൻ വഴി സീൽചെയ്ത് കോടതിയിൽ സമർപ്പിച്ചു. കോടതി ഇതു തെളിവായി രേഖപ്പെടുത്തിയശേഷം സീൽചെയ്ത കവറിൽ ഫോറൻസിക് ലാബിലേക്കു തിരിച്ചയച്ചു. ഇതിനുശേഷമാണ് പരിശോധന ആരംഭിച്ചത്.

ആഗസ്​റ്റ് 25നാണ് സെക്രട്ടേറിയ​റ്റിലെ പൊതുഭരണവിഭാഗത്തിൽ തീപിടിത്തമുണ്ടായത്. സ്വർണക്കടത്ത് കേസിൽ എൻ.ഐ.എ ആവശ്യപ്പെട്ട യുഎഇ കോൺസുലേ​റ്റുമായി ബന്ധപ്പെട്ട രേഖകളും മന്ത്രിമാരുടെ വിദേശയാത്രകളുടെ രേഖകളുമാണ് കത്തിയതെന്ന് പ്രതിപക്ഷം ആരോപിച്ചതോടെയാണ് തീപിടിത്തം വിവാദമായത്. എന്നാൽ 2018 മുതലുളള സർക്കാർ വിജ്ഞാപനങ്ങളും ഗസ്​റ്റ് ഹൗസുകളിലെ മുറി ബുക്കിംഗിന്റെ രേഖകളുമാണ് കത്തി നശിച്ചതെന്നാണ് സർക്കാർ പറയുന്നത്.

 ​സ​ത്യം​ ​മൂ​ടാ​നു​ള്ള സ​ർ​ക്കാ​ർ​ ​ശ്ര​മം​ ​പൊ​ളി​ഞ്ഞെ​ന്ന് ​ചെ​ന്നി​ത്തല

സെ​ക്ര​ട്ടേ​റി​യ​റ്റി​ലെ​ ​തീ​പി​ടി​ത്തം​ ​ഷോ​ർ​ട്ട് ​സ​ർ​ക്യൂ​ട്ട് ​മൂ​ല​മ​ല്ലെ​ന്ന​ ​ഫോ​റ​ൻ​സി​ക് ​റി​പ്പോ​ർ​ട്ടോ​ടെ​ ​സ​ത്യം​ ​മൂ​ടി​വ​യ്ക്കാ​നു​ള്ള​ ​സ​ർ​ക്കാ​ർ​ ​ശ്ര​മം​ ​പൊ​ളി​ഞ്ഞ​താ​യി​ ​പ്ര​തി​പ​ക്ഷ​ ​നേ​താ​വ് ​ര​മേ​ശ് ​ചെ​ന്നി​ത്ത​ല​ ​പ​റ​ഞ്ഞു.​ ​തീ​പി​ടി​ത്ത​ത്തെ​പ്പ​റ്റി​ ​ജു​ഡി​ഷ്യ​ൽ​ ​അ​ന്വേ​ഷ​ണം​ ​ന​ട​ത്ത​ണം.​ ​തി​രു​വ​ന​ന്ത​പു​രം​ ​ജു​ഡി​ഷ്യ​ൽ​ ​മ​ജി​സ്‌​ട്രേ​ട്ട് ​കോ​ട​തി​യി​ൽ​ ​ഫോ​റ​ൻ​സി​ക് ​വി​ഭാ​ഗം​ ​സ​മ​ർ​പ്പി​ച്ച​ ​റി​പ്പോ​ർ​ട്ട് ​ഗൗ​ര​വ​പൂ​ർ​വം​ ​കാ​ണ​ണം. പ്ര​തി​പ​ക്ഷ​വും​ ​മാ​ദ്ധ്യ​മ​ങ്ങ​ളും​ ​ക​ള്ള​ക്ക​ഥ​ക​ൾ​ ​മെ​ന​യു​ക​യാ​ണെ​ന്ന് ​ആ​വ​ർ​ത്തി​ച്ച​ ​മു​ഖ്യ​മ​ന്ത്രി​ക്ക് ​ഇ​നി​യെ​ന്താ​ണ് ​പ​റ​യാ​നു​ള്ള​ത്.​ ​ഫോ​റ​ൻ​സി​ക് ​റി​പ്പോ​ർ​ട്ടി​ന്റെ​ ​വെ​ളി​ച്ച​ത്തി​ൽ​ ​മാ​ദ്ധ്യ​മ​ങ്ങ​ൾ​ക്കെ​തി​രെ​ ​കേ​സെ​ടു​ക്കാ​നു​ള്ള​ ​ഉ​ത്ത​ര​വ് ​പി​ൻ​വ​ലി​ക്ക​ണം.
ഷോ​ർ​ട്ട് ​സ​ർ​ക്യൂ​ട്ട് ​കാ​ര​ണ​മാ​ണ് ​തീ​പി​ടി​ത്ത​മു​ണ്ടാ​യ​തെ​ന്ന് ​ഉ​ദ്യോ​ഗ​സ്ഥ​ത​ല​ ​സ​മി​തി​യെ​ക്കൊ​ണ്ട് ​റി​പ്പോ​ർ​ട്ടെ​ഴു​തി​ ​വാ​ങ്ങി​ ​ര​ക്ഷ​പ്പെ​ടാ​ൻ​ ​സ​ർ​ക്കാ​ർ​ ​ന​ട​ത്തി​യ​ ​ശ്ര​മ​മ​വും​ ​പ​രാ​ജ​യ​പ്പെ​ട്ടു.​ ​സ​ത്യം​ ​അ​ധി​ക​ ​ദി​വ​സം​ ​മൂ​ടി​വ​യ്ക്കാ​ൻ​ ​ക​ഴി​യി​ല്ലെ​ന്നും​ ​ചെ​ന്നി​ത്ത​ല​ ​പ​റ​ഞ്ഞു.

 ക​ണ്ടെ​ത്ത​ലി​ൽ​ ​അ​ത്ഭു​ത​മി​ല്ലെ​ന്ന് ​മു​ല്ല​പ്പ​ള്ളി

​സെ​ക്ര​ട്ടേ​റി​യ​റ്റി​ലെ​ ​തീ​പി​ടി​ത്തം​ ​ഷോ​ർ​ട്ട് ​സ​ർ​ക്യൂ​ട്ട​ല്ലെ​ന്ന​ ​ഫോ​റ​ൻ​സി​ക് ​വി​ഭാ​ഗ​ത്തി​ന്റെ​ ​ക​ണ്ടെ​ത്ത​ലി​ൽ​ ​അ​ത്ഭു​ത​പ്പെ​ടാ​നി​ല്ലെ​ന്ന് ​കെ.​പി.​സി.​സി​ ​പ്ര​സി​ഡ​ന്റ് ​മു​ല്ല​പ്പ​ള്ളി​ ​രാ​മ​ച​ന്ദ്ര​ൻ​ ​പ​റ​ഞ്ഞു.​ ​സ​ർ​ക്കാ​ർ​ ​വാ​ദ​ങ്ങ​ൾ​ ​അ​മ്പേ​ ​പൊ​ളി​ഞ്ഞു.​സ്വ​ർ​ണ​ക്ക​ള്ള​ക്ക​ട​ത്ത് ​കേ​സ് ​അ​ട്ടി​മ​റി​ക്കാ​നു​ള്ള​ ​ആ​സൂ​ത്രി​ത​ ​നീ​ക്ക​ങ്ങ​ളു​ടെ​ ​ഭാ​ഗ​മാ​ണ് ​സെ​ക്ര​ട്ടേ​റി​യ​റ്റി​ലെ​ ​തീ​പി​ടി​ത്ത​മെ​ന്ന​തി​ൽ​ ​സം​ശ​യ​മി​ല്ല.​ ​ഗ​സ്റ്റ് ​ഹൗ​സ് ​താ​മ​സ​ത്തി​ന്റെ​യും​ ​വി​ദേ​ശ​ ​യാ​ത്ര​ക​ളു​ടെ​യും​ ​നി​ർ​ണാ​യ​ക​ ​രേ​ഖ​ക​ളാ​ണ് ​ക​ത്തി​ച്ച​ത്.​ ​കേ​സ് ​അ​ട്ടി​മ​റി​ക്കാ​ൻ​ ​സി.​പി.​എ​മ്മി​ന്റെ​യും​ ​ബി.​ജെ.​പി​യു​ടെ​യും​ ​ഉ​ന്ന​ത​ത​ല​ത്തി​ൽ​ ​ധാ​ര​ണ​യാ​യി​ട്ടു​ണ്ട്.​ ​അ​തി​ന്റെ​ ​ഭാ​ഗ​മാ​ണ് ​കൃ​ത്യ​മാ​യ​ ​തെ​ളി​വു​ക​ൾ​ ​ശേ​ഖ​രി​ക്കു​ന്ന​തി​ൽ​ ​എ​ൻ.​ഐ.​എ​ ​അ​ട​ക്ക​മു​ള്ള​ ​കേ​ന്ദ്ര​ ​അ​ന്വേ​ഷ​ണ​ ​ഏ​ജ​ൻ​സി​ക​ൾ​ ​വ​രു​ത്തു​ന്ന​ ​ഗു​രു​ത​ര​മാ​യ​ ​വീ​ഴ്ച.​ ​രാ​ഷ്ട്രീ​യ​ ​അ​ന്ത​ർ​ ​നാ​ട​ക​ങ്ങ​ളു​ടെ​ ​ഇ​ര​യാ​യി​ ​ഈ​ ​ഏ​ജ​ൻ​സി​ക​ളെ​ ​മാ​റ്റു​മ്പോ​ൾ​ ​അ​വ​ർ​ക്ക് ​എ​ങ്ങ​നെ​ ​സ്വ​ത​ന്ത്ര​മാ​യി​ ​കേ​സ് ​അ​ന്വേ​ഷി​ക്കാ​നും​ ​പ്ര​തി​ക​ളെ​ ​നി​യ​മ​ത്തി​ന് ​മു​ന്നി​ൽ​ ​കൊ​ണ്ടു​വ​രാ​നും​ ​സാ​ധി​ക്കും​?.
ലാ​വ്‌​ലി​ൻ​ ​കേ​സു​പോ​ലെ​ ​സ്വ​ർ​ണ​ക്ക​ട​ത്ത് ​കേ​സി​ന്റെ​ ​അ​ന്വേ​ഷ​ണം​ ​നീ​ട്ടി​ക്കൊ​ണ്ടു​ ​പോ​കാ​നും​ ​ഉ​ന്ന​ത​രെ​ ​ര​ക്ഷി​ക്കാ​നു​മാ​ണ് ​അ​ണി​യ​റ​യി​ൽ​ ​സി.​പി.​എ​മ്മും​ ​ബി.​ജെ.​പി​യും​ ​നീ​ക്ക​ങ്ങ​ൾ​ ​ന​ട​ത്തു​ന്ന​ത്.

 ആ​രോ​പ​ണം​ ​തെ​ളി​ഞ്ഞെ​ന്ന് ​കെ.​ ​സു​രേ​ന്ദ്രൻ

​സെ​ക്ര​ട്ടേ​റി​യ​റ്റി​ലെ​ ​ഫ​യ​ലു​ക​ൾ​ ​തീ​വ​ച്ച് ​ന​ശി​പ്പി​ച്ച​താ​ണെ​ന്ന​ ​ബി.​ജെ.​പി​ ​നി​ല​പാ​ട് ​ശ​രി​വ​യ്ക്കു​ന്ന​താ​ണ് ​ഫോ​റ​ൻ​സി​ക് ​റി​പ്പോ​ർ​ട്ടെ​ന്ന് ​സം​സ്ഥാ​ന​ ​അ​ദ്ധ്യ​ക്ഷ​ൻ​ ​കെ.​ ​സു​രേ​ന്ദ്ര​ൻ​ ​പ​റ​ഞ്ഞു.​ ​തി​രു​വ​ന​ന്ത​പു​രം​ ​ജു​ഡി​ഷ്യ​ൽ​ ​കോ​ട​തി​യി​ൽ​ ​സ​മ​ർ​പ്പി​ച്ച​ ​ഫോ​റ​ൻ​സി​ക് ​റി​പ്പോ​ർ​ട്ടി​ൽ​ ​മു​ഖ്യ​മ​ന്ത്രി​ ​മ​റു​പ​ടി​ ​പ​റ​യ​ണം.​ ​തീ​വ​യ്പി​ന് ​ഒ​രു​മാ​സം​ ​മു​മ്പ് ​പൊ​തു​ഭ​ര​ണ​വ​കു​പ്പ് ​പു​റ​ത്തി​റ​ക്കി​യ​ ​സ​ർ​ക്കു​ല​റി​ൽ​ ​സെ​ക്ര​ട്ടേ​റി​യ​റ്റി​ൽ​ ​തീ​പി​ടി​ത്ത​മു​ണ്ടാ​കാ​ൻ​ ​സാ​ദ്ധ്യ​ത​യു​ണ്ടെ​ന്ന​ ​മു​ന്ന​റി​യി​പ്പ് ​ന​ൽ​കി​യി​രു​ന്നു.​ ​സെ​ക്ര​ട്ടേ​റി​യ​റ്റി​ലെ​ ​സി.​സി​ ​ടി.​വി​ ​ദൃ​ശ്യ​ങ്ങ​ൾ​ ​ഇ​ടി​മി​ന്ന​ലി​ൽ​ ​ത​ക​ർ​ന്നെ​ന്ന് ​മു​ഖ്യ​മ​ന്ത്രി​ ​പ​റ​ഞ്ഞ​പ്പോ​ൾ​ ​അ​തി​നെ​ ​സാ​ധൂ​ക​രി​ക്കു​ന്ന​ ​ക​ത്ത് ​ചീ​ഫ് ​സെ​ക്ര​ട്ട​റി​ ​പു​റ​ത്തു​വി​ട്ട​ത് ​പോ​ലെ​ ​ത​ന്നെ​യാ​ണ് ​ഈ​ ​സ​ർ​ക്കു​ല​റും.​ ​തീ​ക​ത്തു​ന്ന​ ​സ​മ​യ​ത്ത് ​എ​ങ്ങ​നെ​യാ​ണ് ​അ​ഡി​ഷ​ണ​ൽ​ ​സെ​ക്ര​ട്ട​റി​ക്ക് ​ഇ​ന്ന​ ​ഫ​യ​ലു​ക​ളാ​ണ് ​ക​ത്തി​യ​തെ​ന്ന് ​പ​റ​യാ​ൻ​ ​സാ​ധി​ക്കു​ന്ന​തെ​ന്ന് ​ഇ​നി​യെ​ങ്കി​ലും​ ​മു​ഖ്യ​മ​ന്ത്രി​ ​വ്യ​ക്ത​മാ​ക്ക​ണ​മെ​ന്നും​ ​സു​രേ​ന്ദ്ര​ൻ​ ​ആ​വ​ശ്യ​പ്പെ​ട്ടു.