തിരുവനന്തപുരം: സംസ്ഥാനത്തെ മുഴുവൻ ഗ്രാമീണവീടുകൾക്കും ടാപ്പിലൂടെ സ്ഥിരമായി കുടിവെള്ളമെത്തിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. നടപ്പു സാമ്പത്തിക വർഷം 21.42 ലക്ഷം വീടുകൾക്ക് കുടിവെള്ളം എത്തിക്കും. അതിനായി ആദ്യഘട്ടത്തിൽ 16.48 ലക്ഷം വീടുകൾക്കാണ് കണക്ഷൻ നൽകുക. ഗ്രാമീണ വീടുകളിലെല്ലാം 2024ഓടെ കുടിവെള്ള കണക്ഷൻ നൽകാനായി കേന്ദ്രസർക്കാരുമായി ചേർന്നു നടപ്പിലാക്കുന്ന ജലജീവൻ മിഷൻ പദ്ധതിയുടെ പ്രവർത്തനോദ്ഘാടനം നിർവഹിക്കുകയായിരുന്നു മുഖ്യമന്ത്രി.

പദ്ധതി സംബന്ധിച്ച പൂർണ വിവരങ്ങൾ കേരള വാട്ടർ അതോറിട്ടിയുടെ വെബ്‌സൈറ്റിൽ ലഭ്യമാണ്. ആദ്യഘട്ടത്തിൽ 716 പഞ്ചായത്തുകളിലായി 4343.89 കോടിയുടെ പദ്ധതിയാണ് നടപ്പാക്കുന്നത്. നിലവിലുള്ള പദ്ധതികളുടെശേഷി വർദ്ധിപ്പിച്ചും ചില പദ്ധതികൾ ദീർഘിപ്പിച്ചും ചിലതിന്റെ സ്രോതസ് ശക്തിപ്പെടുത്തിയും കുടിവെള്ളം ലഭ്യമാക്കും.

സംസ്ഥാനത്തെ ജലവിതരണ രംഗത്തെ നാഴികക്കല്ലാവും ജലജീവൻ മിഷൻ പദ്ധതിയെന്ന് അദ്ധ്യക്ഷത വഹിച്ച മന്ത്രി കെ. കൃഷ്ണൻകുട്ടി പറഞ്ഞു. തദ്ദേശ സ്വയംഭരണ സ്ഥാപനങ്ങൾ ജലജീവൻ പദ്ധതിക്കായി പൂർണ സഹകരണവുമായി രംഗത്തുണ്ടാകുമെന്ന് മന്ത്രി എ.സി.മൊയ്തീൻ പറഞ്ഞു. വിവിധ ജില്ലകളിൽ പ്രാദേശികമായി നടന്ന ജലജീവൻ മിഷൻ പ്രവർത്തനോദ്ഘാടനങ്ങൾ സ്പീക്കർ പി. ശ്രീരാമകൃഷ്ണൻ നിർവഹിച്ചു.

ജ​ല​ജീ​വ​ൻ​ ​കേ​ന്ദ്ര​ത്തി​ന്റേ​ത്:​ ​സു​രേ​ന്ദ്രൻ

തി​രു​വ​ന​ന്ത​പു​രം​:​ ​ഗ്രാ​മീ​ണ​ ​വീ​ടു​ക​ളി​ൽ​ ​ശു​ദ്ധ​ജ​ല​മെ​ത്തി​ക്കു​ന്ന​ ​ജ​ല​ജീ​വ​ൻ​ ​പ​ദ്ധ​തി​ ​മോ​ദി​ ​സ​ർ​ക്കാ​രി​ന്റേ​താ​ണെ​ന്നും​ ​ഇ​ത് ​മ​റ​ച്ചു​ ​വ​ച്ച് ​കേ​ര​ള​ ​സ​ർ​ക്കാ​രി​ന്റെ​ ​പ​ദ്ധ​തി​യാ​ക്കി​ ​ഉ​ദ്ഘാ​ട​നം​ ​ന​ട​ത്തു​ക​യാ​ണെ​ന്നും​ ​ബി.​ജെ.​പി​ ​സം​സ്ഥാ​ന​ ​പ്ര​സി​ഡ​ന്റ് ​കെ.​സു​രേ​ന്ദ്ര​ൻ​ ​ഫേ​സ്ബു​ക്കി​ൽ​ ​ആ​രോ​പി​ച്ചു.​ ​ആ​ദ്യ​ഗ​ഡു​വാ​യി​ 800​ ​കോ​ടി​ ​രൂ​പ​ ​കേ​ര​ള​ത്തി​ന് ​കേ​ന്ദ്രം​ ​അ​നു​വ​ദി​ച്ചി​ട്ടു​ണ്ട്.​ ​എ​ന്നി​ട്ടി​പ്പോ​ൾ​ ​ഒ​രു​ ​ന​യാ​ ​പൈ​സാ​ ​ചെ​ല​വി​ല്ലാ​തെ​ ​ഉ​ദ്ഘാ​ട​നം​ ​ന​ട​ത്തു​ന്ന​വ​രു​ടെ​ ​തൊ​ലി​ക്ക​ട്ടി​ ​അ​പാ​രം​ ​ത​ന്നെ​യെ​ന്നും​ ​കു​റി​പ്പി​ൽ​ ​പ​റ​യു​ന്നു.