തിരുവനന്തപുരം: സംസ്ഥാനത്ത് 5445 പേർക്ക് ഇന്നലെ കൊവിഡ് രോഗം സ്ഥിരീകരിച്ചു. 4616 പേർ സമ്പർക്കരോഗികളാണ്. 502 പേരുടെ ഉറവിടം വ്യക്തമല്ല.

24 മണിക്കൂറിനിടെ 63,146 സാമ്പിളുകളാണ് പരിശോധിച്ചത്. ചികിത്സയിൽ കഴിയുന്നവരിലെ രോഗമുക്തരെ കണ്ടെത്താനായിരുന്നു കൂടുതൽ പരിശോധന.7003 രോഗമുക്തരെ കണ്ടെത്തി. ഇതുവരെയുള്ളതിൽ ഉയർന്ന രോഗമുക്തി നിരക്കാണിത്.

രോഗികളുടെ എണ്ണം 10000 കടന്ന ബുധനാഴ്‌ച 73,816 സാമ്പിളുകളാണ് പരിശോധിച്ചത്. ഇന്നലെ 73 ആരോഗ്യ പ്രവർത്തകർക്കും രോഗംബാധിച്ചു. 24 മരണങ്ങൾ റിപ്പോർട്ട് ചെയ്തു. 1024 കേസുകൾ റിപ്പോർട്ട് ചെയ്ത മലപ്പുറത്താണ് ഇന്നലെ കൂടുതൽ രോഗികൾ.

കോഴിക്കോട് 688, കൊല്ലം 497, തിരുവനന്തപുരം 467, എറണാകുളം 391, തൃശൂർ 385, കണ്ണൂർ 377, ആലപ്പുഴ 317, പത്തനംതിട്ട 295, പാലക്കാട് 285, കാസർകോട് 236, കോട്ടയം 231, വയനാട് 131, ഇടുക്കി 121 എന്നിങ്ങനെയാണ് മറ്റുജില്ലകളിലെ സ്ഥിതി. വിവിധ ജില്ലകളിലായി 2,71,439 പേരാണ് നിരീക്ഷണത്തിലുള്ളത്. ഇവരിൽ 2,42,056 പേർ വീട്/ഇൻസ്റ്റിറ്റ്യൂഷണൽ ക്വാറന്റൈനിലും 29,383 പേർ ആശുപത്രികളിലും നിരീക്ഷണത്തിലാണ്.

 ആകെ രോഗികൾ: 2,58,850

 ചികിത്സയിലുള്ളവർ: 90,579

 രോഗമുക്തർ: 1,67,256

 ആകെ മരണം 930