കൊച്ചി: കേരള സംഗീത നാടക അക്കാഡമി അവാർഡ് ജേതാവ് അലിയേയും സംസ്ഥാന ടെലിവിഷൻ സ്പെഷ്യൽ ജൂറി പുരസ്കാരം കരസ്ഥമാക്കിയ ബാലതാരം ശിവാനിയേയും കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ അനുമോദിച്ചു. കെ.എച്ച്.ആർ.എ ഭവനിൽ നടന്ന സ്വീകരണ യോഗത്തിൽ അസോസിയേഷൻ പ്രസിഡന്റ്മൊയതീൻകുട്ടി ഹാജി അദ്ധ്യക്ഷത വഹിച്ചു. സീരിയൽ സംവിധായകൻ പ്രദീപ് മാധവൻ മുഖ്യാതിഥിയായിരുന്നു. ജനറൽ സെക്രട്ടറി ജി. ജയപാൽ, വർക്കിംഗ് പ്രസിഡന്റുമാരായ ജി.കെ. പ്രകാശ്, പ്രസാദ് ആനന്ദഭവൻ, ട്രഷറർ കെ.പി. ബാലകൃഷ്ണപൊതുവാൾ എന്നിവർ സംസാരിച്ചു.