ഒരുപിടി മികച്ച കഥാപാത്രങ്ങളിലൂടെ പ്രേക്ഷകരുടെ പ്രിയങ്കരിയായി മാറിയ താരമാണ് ഹണി റോസ്. ബോൾഡായ കഥാപാത്രങ്ങൾ തിരഞ്ഞെടുക്കാൻ പ്രത്യേകം ശ്രദ്ധ കാണിക്കുന്ന താരം ബോയ് ഫ്രണ്ട് എന്ന ചിത്രത്തിലൂടെയാണ് സിനിമയിൽ എത്തുന്നത്. അതിന് ശേഷം തമിഴ് സിനിമകളിലും അഭിനയിച്ച ഹണിയുടെ കരിയറിൽ വഴിത്തിരിവായത് ട്രിവാൻഡ്രം ലോഡ്ജ് എന്ന മലയാള ചിത്രമാണ്. സ്വന്തം പേരിൽ തുടങ്ങിയ ബ്യൂട്ടി പ്രോഡക്ട്‌സ് ബ്രാൻഡ് ശ്രദ്ധ നേടി ഒരു സംരംഭക എന്ന നിലയിലും താരം തിളങ്ങുകയാണ്. മോഡേൺ വേഷവും നാടൻ വേഷത്തിലും ഒരുപോലെ ശ്രദ്ധിക്കപ്പെട്ട താരമാണ് ഹണി. ടൈപ്പ് കാസ്റ്റിങ്ങിൽ ഒതുങ്ങാതെ എല്ലാത്തരം കഥാപാത്രങ്ങളും തന്റെ കയ്യിൽ ഭഭ്രമാണെന്ന് വളരെ ചുരിങ്ങിയ സമയം കൊണ്ട് താരം തെളിച്ചിരുന്നു. അഭിനയത്തിന് പുറമെ തന്റെ മറ്റൊരു ആഗ്രഹം കൂടി വെളിപ്പെടുത്തുകയാണ് താരം ഇപ്പോൾ. കഥ എഴുതാറില്ലെങ്കിലും മനസ്സിൽ കുറെ കഥകളുണ്ടെന്ന് പറയുന്ന താരം, തനിക്ക് ഒരു സിനിമ സംവിധാനം ചെയ്യണമെന്നുള്ള ആഗ്രഹമാണ് പങ്കുവയ്ക്കുന്നത്. "സംവിധാനമെന്നത് വലിയ ഉത്തരവാദിത്വമാണ്. ഒരുപാട് പേരെ ഒരുമിച്ച് നിയന്ത്രിക്കേണ്ട വലിയ ജോലിയാണ്. അഭിനയിച്ച് തുടങ്ങിയ കാലം മുതലേ ഞാൻ സംവിധായായകരെ നിരീക്ഷിക്കാറുണ്ട്..." താൻ ചെയ്യുന്ന ചിത്രം തീർച്ചയായും ഒരു റിയലിസ്റ്റിക് സിനിമയാകുമെന്നും അതാണ് ആഗ്രഹമെന്നുമാണ് ഹണി പറയുന്നത്.