തിരുവനന്തപുരം: കൊവിഡ് വ്യാപനം തടയാൻ പ്രഖ്യാപിച്ച നിരോധനാജ്ഞ ലംഘിച്ചതിന് സംസ്ഥാനത്താകെ ഇന്നലെ 48 കേസുകൾ രജിസ്റ്റർ ചെയ്തു. 126 പേർ അറസ്റ്റിലായി. തിരുവനന്തപുരം റൂറൽ 29, കൊല്ലം റൂറൽ രണ്ട്, ആലപ്പുഴ 12, കോട്ടയം അഞ്ച്, ഇടുക്കി മൂന്ന്, തൃശൂർ സി​റ്റി 19, തൃശൂർ റൂറൽ 12, പാലക്കാട് ആറ്, മലപ്പുറം ആറ്, കണ്ണൂർ ഏഴ്, കാസർകോട് 25 എന്നിങ്ങനെയാണ് അറസ്റ്റിലായവരുടെ എണ്ണം.

ലോക്ക് ഡൗൺ ലംഘിച്ചതിന് സംസ്ഥാനത്താകെ ഇന്നലെ 1638 പേർക്കെതിരെ കേസെടുത്തു. 678 പേർ അറസ്​റ്റിലായി. 58 വാഹനങ്ങളും പിടിച്ചെടുത്തു. മാസ്‌ക് ധരിക്കാത്ത 7240 സംഭവങ്ങളാണ് റിപ്പോർട്ട് ചെയ്തത്. ക്വാറന്റൈൻ ലംഘിച്ചതിന് എട്ട് കേസുകളും രജിസ്​റ്റർ ചെയ്തു.