തിരുവനന്തപുരം: ജില്ലയിൽ ഇന്നലെ 1,310 പേർക്ക് കൊവിഡ് സ്ഥിരീകരിച്ചു. ജില്ലയിലെ ഏറ്റവും വലിയ പ്രതിദിന വർദ്ധനയാണിത്. ഇതോടെ ജില്ലയിലാകെ 12,127 പേർ കൊവിഡ് ചികിത്സയിൽ കഴിയുന്നുണ്ട്. ഇന്നലെ 1,062 പേർക്കു സമ്പർക്കത്തിലൂടെയാണ് രോഗം ബാധിച്ചത്. 226 പേരുടെ ഉറവിടം വ്യക്തമല്ല. 11 പേർ വീട്ടുനിരീക്ഷണത്തിലായിരുന്നു. രണ്ടുപേർ മറ്റുള്ള സംസ്ഥാനങ്ങളിൽ നിന്നെത്തിയതാണ്. ഒൻപതുപേരുടെ മരണം കൊവിഡ് മൂലമാണെന്നും സ്ഥിരീകരിച്ചു. പൂവച്ചൽ സ്വദേശി അയിഷാ ബീവി(51), മണക്കാട് സ്വദേശി എസ്.പി. നതാൻ(79), കുറുവിൽപുരം സ്വദേശി അബ്ദുൾ ഹസൻ ഹമീദ്(70), കോവളം സ്വദേശി പാറുക്കുട്ടി (82), പേരൂർക്കട സ്വദശി സൈനുലബ്ദീൻ(60), വലിയവേളി സ്വദേശി പീറ്റർ(63), പൂവച്ചൽ സ്വദേശി മുഹമ്മദ് ഷാനവാസ്(47), പേട്ട സ്വദേശി കൃഷ്ണമ്മ(76), തിരുമല സ്വദേശി സുമതി(61) എന്നിവരുടെ മരണങ്ങളാണ് കൊവിഡ് മൂലമാണെന്നു സ്ഥിരീകരിച്ചത്. ഇന്നലെ രോഗം സ്ഥിരീകരിച്ചവരിൽ 527 പേർ സ്ത്രീകളും 783 പേർ പുരുഷന്മാരുമാണ്. ഇവരിൽ 15 വയസിനു താഴെയുള്ള 142 പേരും 60 വയസിനു മുകളിലുള്ള 193 പേരുമുണ്ട്. 2,919 പേർ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി.

പുതുതായി നിരീക്ഷണത്തിലായവർ 4,483 പേർ
ഇന്നലെ രോഗമുക്തി നേടിയവർ-905പേർ