മുടപുരം: ഗ്രാമ പഞ്ചായത്തുകളിലെ എല്ലാ കുടുംബങ്ങൾക്കും ടാപ്പ്‌ വഴി കുടിവെള്ളം എത്തിക്കുന്നതിനായുള്ള ജല ജീവൻമിഷൻ പദ്ധതി അഴൂർ, കിഴുവിലം ഗ്രാമ പഞ്ചായത്തുകളിലും നടപ്പാക്കും. നൂറുശതമാനം ഗ്രാമീണ ഭാവനങ്ങൾക്കും ഗാർഹിക കുടിവെള്ള കണക്ഷൻ നൽകുന്നതിനായിട്ടാണ് കേന്ദ്ര -സംസ്ഥാന സർക്കാർ പദ്ധതി ആവിഷ്കരിച്ചത് . കേന്ദ്ര സർക്കാരിന്റെ ജല ജീവൻ മിഷൻ, കേരളസർക്കാരിന്റെ ജലവിഭവവകുപ്പ്, തദ്ദേശ സ്വയംഭരണ വകുപ്പ്, കേരള വാട്ടർ അതോറിട്ടി, കേരള റൂറൽ വാട്ടർ സപ്ലൈ ആൻഡ് സാനിറ്റേഷൻ ഏജൻസി എന്നിവയാണ് നിർവഹണ ഏജൻസികൾ. കിഴുവിലം ഗ്രാമ പഞ്ചായത്ത് ഇതിനായി 24 ലക്ഷം രൂപ പദ്ധതി വിഹിതമായി ചെലവഴിക്കുമെന്ന് പ്രസിഡന്റ് എ. അൻസാർ പറഞ്ഞു.