കിളിമാനൂർ: കിളിമാനൂർ ബ്ലോക്ക് പഞ്ചായത്തിന് ശുചിത്വ പദവി ലഭിച്ചു. കൂടാതെ ജില്ലയിലെ 47 ശുചിത്വ പഞ്ചായത്തുകളെ പ്രഖ്യാപിക്കുമ്പോൾ അതിൽ 8 എണ്ണവും കിളിമാനൂർ ബ്ലോക്കിന് കീഴിലുള്ള പഞ്ചായത്തുകളും. ബ്ലോക്ക് പഞ്ചായത്ത് പരിധിയിലെ ന​ഗരൂർ, കിളിമാനൂർ, കരവാരം, പഴയകുന്നുമ്മേൽ, പുളിമാത്ത്, മടവൂർ, പള്ളിക്കൽ, നാവായിക്കുളം പഞ്ചായത്തുകളാണ് ശുചിത്വപദവിയിൽ ഇടംപിടിച്ചത്. ബ്ലോക്ക് തല ശുചിത്വസർട്ടിഫിക്കറ്റ് ജില്ലാപ‍ഞ്ചായത്തം​ഗം ഡി. സ്മിത ബ്ലോക്ക് പഞ്ചായത്ത് പ്രസിഡന്റ് ശ്രീജാ ഷൈജുദേവിന് കൈമാറി. ബ്ലോക്ക് പഞ്ചായത്ത് വൈസ് പ്രസിഡന്റ് കെ. സുഭാഷ് പങ്കെടുത്തു.