തിരുവനന്തപുരം: സൗദി അറേബ്യയിലെ ക്വാസിം പ്രവിശ്യയിൽ ആരോഗ്യ മന്ത്രാലയത്തിനു കീഴിലുള്ള ആശുപത്രികളിലേക്ക് വനിതാ നഴ്സുമാരെ നോർക്ക റൂട്സ് മുഖേന തിരഞ്ഞെടുക്കുന്നു. ബി.എസ് സി, എം.എസ് സി, പി എച്ച്. ഡി യോഗ്യതയുള്ള വനിതാ നഴ്സുമാർക്കാണ് അവസരം. ക്രിട്ടക്കൽ കെയർ യൂണിറ്റ് (മുതിർന്നവർ, നിയോനേറ്റൽ), എമർജൻസി, ജനറൽ (ബി.എസ് സി) വിഭാഗങ്ങളിലാണ് ഒഴിവ്.

19, 20, 21, 22 തീയതികളിൽ ഓൺലൈനായി അഭിമുഖം നടക്കും. www.norkaroots.org ൽ 17നകം അപേക്ഷ സമർപ്പിക്കണമെന്ന് ചീഫ് എക്സിക്യൂട്ടീവ് ഓഫീസർ അറിയിച്ചു. കൂടുതൽ വിവരങ്ങൾക്ക്: 18004253939 (ഇന്ത്യയിൽ നിന്നും), 00918802012345 (വിദേശത്തു നിന്നും മിസ്ഡ് കോൾ സേവനം).