തിരുവനന്തപുരം: പുരസ്‌കാര ജേതാക്കളുടെ പേരുകൾ ഓരോന്നായി പ്രഖ്യാപിക്കുമ്പോഴും അക്കൂട്ടത്തിൽ തന്റെ പേരുണ്ടാകുമെന്ന് പ്രതീക്ഷിച്ചിരുന്നില്ലെന്ന് മികച്ച പിന്നണി ഗായകനായ നജിം അർഷാദ് പറഞ്ഞു.

'കെട്ട്യോളാണ് എന്റെ മാലാഖ'യിലെ 'ആത്മാവിലെ ആഴങ്ങളിൽ' എന്ന ഗാനത്തിലൂടെയാണ് മികച്ച ഗായകനുള്ള പുരസ്‌കാരം നജിമിനെത്തേടിയെത്തിയത്. 'ഇപ്പോൾ ഒരുപാടൊരുപാട് സന്തോഷം തോന്നുന്നു. അത് എങ്ങനെ പ്രകടിപ്പിക്കണമെന്ന് അറിയില്ല. സത്യത്തിൽ പറയാൻ വാക്കുകൾ കിട്ടുന്നില്ല. പാടാൻ പ്രയാസമുള്ള ആ പാട്ട് ഏറെ ശ്രമമെടുത്താണ് പാടിയത്. എന്റെ സുഹൃത്ത് വില്യം ഫ്രാൻസിസ് ആണ് സംഗീതസംവിധായകൻ. അവൻ ആദ്യമായി സംഗീതം നൽകിയ ചിത്രമാണിത്. ആ ഗാനം എന്നെക്കൊണ്ടു പാടിക്കണമെന്ന് അവനു വലിയ ആഗ്രഹമുണ്ടായിരുന്നു.' അവാർഡ് നേട്ടം ആഘോഷിക്കാൻ വില്യം നജിമിനൊപ്പമുണ്ട്. അതുകൊണ്ട് ഡബിൾ ഹാപ്പിയാണെന്നും നജിം പറഞ്ഞു.