തിരുവനന്തപുരം : വെൺപാലവട്ടം ശ്രീഭഗവതി ക്ഷേത്രത്തിലെ നവരാത്രി മഹോത്സവം 17 മുതൽ 26 വരെ കൊവിഡ് മാനദണ്ഡങ്ങൾ പാലിച്ച് നടത്തുമെന്ന് ക്ഷേത്ര ട്രസ്റ്റ് ചെയർമാൻ ഡോ.ബിജു രമേശ് അറിയിച്ചു.17ന് നവരാത്രി പൂജ ആരംഭവും, 24ന് ദുർഗാഷ്ടമി പൂജവെയ്പ്പും, 25ന് മഹാനവമി ആയുധപൂജയും 26ന് വിജയദശമി ദിവസം രാവിലെ പൂജയെടുപ്പും തുടർന്ന് വിദ്യാരംഭവും നടക്കും. വിദ്യാരംഭത്തോടനുബന്ധിച്ച് കുരുന്നുകൾക്ക് ശിവഗിരി മഠത്തിൽ നിന്നുള്ള സ്വാമി അനപേക്ഷാനന്ദ,സ്വാമി സുകൃതാനന്ദ,സ്വാമി ത്രിരത്‌നതീർത്ഥ എന്നിവരും ക്ഷേത്ര ട്രസ്റ്റ് ചെയർമാൻ ഡോ. ബിജുരമേശ്,ഡോ.സുധീഷണൻ, ക്ഷേത്ര മേൽശാന്തിമാർ എന്നിവരും ആദ്യാക്ഷരം കുറിക്കും. വിദ്യാരംഭം കുറിക്കുന്നവർക്ക് ക്ഷേത്രത്തിൽനിന്നുള്ള സർട്ടിഫിക്കറ്റും സരസ്വതി ദേവിയുടെ മുന്നിൽ പൂജിച്ച സാരസ്വതഘൃതവും നൽകും.ദിവസവും വൈകിട്ട് 6 മുതൽ 9 വരെ സംഗീത നൃത്ത കലാപരിപാടികൾ ക്ഷേത്ര സരസ്വതി മണ്ഡപത്തിൽ നടക്കും.വിദ്യാരംഭം കുറിക്കുന്നവരുടെ രക്ഷാകർത്താക്കളും ക്ഷേത്ര കലകൾ നേർച്ചയായി നടത്താൻ താത്പര്യമുള്ളവരും ക്ഷേത്ര ഒാഫീസുമായി ബന്ധപ്പെടണം.ഫോൺ: 9744877773.