തിരുവനന്തപുരം: കൊവിഡ് പശ്ചാത്തലത്തിൽ സംസ്ഥാനത്തെ വിദ്യാഭ്യാസ സ്ഥാപനങ്ങൾ ഈ വർഷം നിലവിലുള്ള ഫീസിൽ 25 ശതമാനം ഇളവ് അനുവദിക്കണമെന്ന് ഉത്തരവിട്ട് സംസ്ഥാന ബാലാവകാശ സംരക്ഷണ കമ്മിഷൻ. പൊതുവിദ്യാഭ്യാസ സ്ഥാപനങ്ങൾക്ക് പുറമെ സി.ബി.എസ്.ഇ, ഐ.സി.എസ്.ഇ സ്‌കൂളുകൾക്കും ഉത്തരവ് ബാധകമായിരിക്കുമെന്ന് ചെയർമാൻ കെ.വി. മനോജ് കുമാർ, അംഗങ്ങളായ കെ. നസീർ, സി. വിജയകുമാർ എന്നിവർ ഉൾപ്പെട്ട ഫുൾബഞ്ച് വ്യക്തമാക്കി.
മഞ്ചേരി എ.സി.ഇ പബ്ലിക് സ്‌കൂൾ രക്ഷിതാക്കൾ നൽകിയ പരാതിയുടെ അടിസ്ഥാനത്തിലാണ് കമ്മിഷൻ നടപടി സ്വീകരിച്ചത്. ഫീസ് അടയ്ക്കാത്ത കുട്ടികളെ ഓൺലൈൻ പഠനത്തിൽ നിന്ന് ഒഴിവാക്കിയെന്നായിരുന്നു ആക്ഷേപം. സ്‌കൂൾ അധികൃതർ കുട്ടികൾക്ക് വിദ്യാഭ്യാസ അവസരം നിഷേധിക്കരുത്. ഇക്കാര്യം സി.ബി.എസ്.ഇ റീജിയണൽ ഡയറക്ടർ ഉറപ്പു വരുത്തണം.