തിരുവനന്തപുരം: സംസ്ഥാനത്ത് 7789 പേർക്ക് ഇന്നലെ കൊവിഡ് സ്ഥിരീകരിച്ചു. 6486 പേർ സമ്പർക്ക രോഗികളാണ്‌.

1049 പേരുടെ ഉറവിടം വ്യക്തമല്ല. 128 ആരോഗ്യ പ്രവർത്തകരും രോഗബാധിതരായി. 23 മരണങ്ങളും റിപ്പോർട്ട് ചെയ്തു. കഴിഞ്ഞ 24 മണിക്കൂറിനിടെ 50,154 സാമ്പിളുകളാണ് പരിശോധിച്ചത്. കോഴിക്കോടാണ് രോഗവ്യാപനം രൂക്ഷമായി തുടരുന്നത്. 1264 കേസുകളാണ് ജില്ലയിൽ റിപ്പോർട്ട് ചെയ്തത്. എറണാകുളം 1209, തൃശൂർ 867, തിരുവനന്തപുരം 679, കണ്ണൂർ 557, കൊല്ലം 551, ആലപ്പുഴ 521, കോട്ടയം 495, മലപ്പുറം 447, പാലക്കാട് 354, പത്തനംതിട്ട 248, കാസർകോട് 311, ഇടുക്കി 143, വയനാട് 143 എന്നിങ്ങനേയാണ് മറ്റുജില്ലകളിലെ സ്ഥിതി.

അതേസമയം 7082 പേർ കൂടി രോഗമുക്തരായി. 2,74,672 പേരാണ് നിരീക്ഷണത്തിലുള്ളത്. ഇവരിൽ 2,49,001 പേർ വീട്/ഇൻസ്റ്റിറ്റ്യൂഷണൽ ക്വാറന്റൈനിലും 25,671 പേർ ആശുപത്രികളിലുമാണ്.

ആകെ രോഗികൾ 3,17,929

ചികിത്സയിലുള്ളവർ 94,517

രോഗമുക്തർ 2,22,231

ആകെ മരണം 1089