തിരുവനന്തപുരം: നിയമസഭയിൽ ആഗസ്റ്റ് 24ന് നടന്ന അവിശ്വാസപ്രമേയ ചർച്ചയിൽ പങ്കെടുക്കരുതെന്ന വിപ്പ് ലംഘിച്ച പി.ജെ. ജോസഫിനെയും മോൻസ് ജോസഫിനെയും അയോഗ്യരാക്കണമെന്ന പരാതിയിൽ സ്പീക്കർ പി. ശ്രീരാമകൃഷ്ണൻ ഇരുവർക്കും നോട്ടീസ് അയച്ചു. കേരള കോൺഗ്രസ്-എം ജോസ് കെ.മാണി വിഭാഗം നേതാവ് റോഷി അഗസ്റ്റിനാണ് പരാതി നൽകിയത്. നിയമസഭാകക്ഷി വിപ്പെന്ന നിലയിൽ തന്റെ വിപ്പ് ഇരുവരും ലംഘിച്ചെന്നാണ് റോഷി അഗസ്റ്റിന്റെ പരാതി.

എന്നാൽ വിപ്പ് താനാണെന്ന് കാട്ടി മറുപക്ഷത്തെ മോൻസ് ജോസഫും സ്പീക്കർക്ക് പരാതി നൽകി. അവിശ്വാസപ്രമേയ വോട്ടെടുപ്പിൽ പ്രതിപക്ഷത്തെ അനുകൂലിക്കണമെന്ന തന്റെ വിപ്പ് റോഷി അഗസ്റ്റിനും പ്രൊഫ.എൻ.ജയരാജും ലംഘിച്ചെന്നാണ് ഇതിൽ പറയുന്നത്.

അതേസമയം,​ അംഗീകരിക്കപ്പെട്ട വിപ്പ് റോഷി അഗസ്റ്റിനാണെന്നും അത് മാറ്റാൻ യോഗം ചേർന്നതായി അറിയില്ലെന്നും സ്പീക്കർ പി. ശ്രീരാമകൃഷ്ണൻ മാദ്ധ്യമങ്ങളോട് പറഞ്ഞു. കൂറുമാറ്റ നിരോധന നിയമപ്രകാരം നടപടി സ്വീകരിക്കാതിരിക്കാൻ വിശദീകരണം ആവശ്യപ്പെട്ടാണ് നോട്ടീസ് നൽകിയത്. മറുപടികൾ കിട്ടിയ ശേഷം നിയമവശം പരിശോധിക്കും. നടപടി അനിശ്ചിതമായി നീട്ടരുതെന്ന് സുപ്രീംകോടതി നിർദ്ദേശമുള്ളതിനാൽ വേഗം തീരുമാനമെടുക്കും. ജോസ് വിഭാഗത്തിന്റെ മുന്നണി മാറ്റവുമായി നടപടിക്ക് ബന്ധമില്ല.

റോഷി പരാതി നൽകിയതിന്റെ പിറ്റേന്നാണ് മോൻസിന്റെ പരാതി ലഭിച്ചത്. രണ്ട് പേർക്കും പറയാനുള്ളത് കേൾക്കും. രേഖാമൂലമോ നേരിട്ടോ അഭിഭാഷകൻ വഴിയോ അഭിപ്രായം അറിയിക്കാം. തീരുമാനം ഏകപക്ഷീയമാകില്ല. തിരഞ്ഞെടുപ്പ് കമ്മിഷൻ പാർട്ടിയും ചിഹ്നവും ഒരു വിഭാഗത്തിന് അനുവദിച്ചു. അത് ഹൈക്കോടതി സ്റ്റേ ചെയ്തെങ്കിലും അന്തിമതീരുമാനം എടുത്തിട്ടില്ലെന്നും സ്പീക്കർ ചൂണ്ടിക്കാട്ടി.

റോഷിയുടെ പരാതി ആദ്യം ലഭിച്ചതിനാലാണ് അതിൽ ആദ്യം വിശദീകരണം തേടിയതെന്നും മോൻസിന്റെ പരാതിയിൽ അടുത്തയാഴ്ച മറ്റ് രണ്ട് പേർക്ക് നോട്ടീസ് പോകുമെന്നും സ്‌പീക്കറുടെ ഓഫീസ് അറിയിച്ചു.

 സ്‌​പീ​ക്ക​റു​ടേ​ത് ​സ്വാ​ഭാ​വിക ന​ട​പ​ടി​:​ ​പി.​ജെ.​ ​ജോ​സ​ഫ്

തൊ​ടു​പു​ഴ​:​ ​നി​യ​മ​സ​ഭാ​ ​സ്പീ​ക്ക​ർ​ ​കാ​ര​ണം​ ​കാ​ണി​ക്ക​ൽ​ ​നോ​ട്ടീ​സ് ​ന​ൽ​കി​യ​ത് ​സ്വാ​ഭാ​വി​ക​ ​ന​ട​പ​ടി​യാ​ണെ​ന്ന് ​പി.​ജെ.​ ​ജോ​സ​ഫ് ​എം.​എ​ൽ.​എ​ ​പ​റ​ഞ്ഞു.​ ​സ്പീ​ക്ക​ർ​ ​ആ​ദ്യം​ ​ല​ഭി​ച്ച​ ​പ​രാ​തി​യി​ൽ​ ​ആ​ദ്യം​ ​ന​ട​പ​ടി​ ​എ​ടു​ത്തു​വെ​ന്നേ​യു​ള്ളൂ.​ ​ത​ങ്ങ​ളു​ടെ​ ​പ​രാ​തി​യും​ ​ഉ​ട​ൻ​ ​പ​രി​ഗ​ണി​ക്കു​മെ​ന്നാ​ണ് ​വി​ശ്വാ​സം.​ ​റോ​ഷി​ ​അ​ഗ​സ്റ്റി​നാ​ണ് ​വി​പ്പെ​ന്ന​ ​സ്പീ​ക്ക​റു​ടെ​ ​നി​ല​പാ​ട് ​ശ​രി​യ​ല്ല.​ ​കെ.​എം.​ ​മാ​ണി​യു​ടെ​ ​മ​ര​ണ​ശേ​ഷം​ ​മോ​ൻ​സ് ​ജോ​സ​ഫാ​ണ് ​വി​പ്പെ​ന്ന് ​സ്പീ​ക്ക​റെ​ ​അ​റി​യി​ച്ചി​രു​ന്നു.​ ​ഇ​ത​നു​സ​രി​ച്ച് ​സ​ഭ​യി​ലെ​ ​ഇ​രി​പ്പി​ട​ങ്ങ​ളി​ൽ​ ​മാ​റ്റം​ ​വ​രു​ത്തി​യി​രു​ന്നു.​ ​സ്പീ​ക്ക​റു​ടെ​ ​ക​ത്ത് ​ല​ഭി​ച്ച​ ​ശേ​ഷം​ ​മ​റു​പ​ടി​ ​ന​ൽ​കും.​ ​തി​ര​ഞ്ഞെ​ടു​പ്പു​ ​ക​മ്മി​ഷ​ന്റെ​ ​നി​ല​പാ​ട്,​ ​ഹൈ​ക്കോ​ട​തി​ ​ന​ൽ​കി​യ​ ​സ്റ്റേ​ ​എ​ന്നി​വ​യ​ട​ക്കം​ ​പ​രി​ശോ​ധി​ക്കേ​ണ്ട​തു​ണ്ട്.​ ​റോ​ഷി​ ​അ​ഗ​സ്റ്റി​ന്റെ​ ​പ​രാ​തി​ ​നി​യ​മ​പ​ര​മാ​യി​ ​നി​ല​നി​ൽ​ക്കി​ല്ലെ​ ​അ​ദ്ദേ​ഹം​ ​പ​റ​ഞ്ഞു.