മുടപുരം :ചിറയിൻകീഴ് ബ്ലോക്ക് പഞ്ചായത്തിന്റെ നേതൃത്വത്തിലുള്ള കൊവിഡ് പരിശോധനയിൽ 25 പേർക്കു കൂടി രോഗം കണ്ടെത്തിയതായി ബ്ലോക്ക് പഞ്ചായത്ത് പ്രസിഡന്റ് ആർ.സുഭാഷും ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ അഞ്ചുതെങ്ങ് സുരേന്ദ്രനും അറിയിച്ചു. മുദാക്കലിൽ 55 പേരുടെ ആന്റിജൻ പരിശോധനയിൽ 12 പേർക്കും ചിറയിൻകീഴ് താലൂക്കാശുപത്രിയിൽ 50 പേരുടെ ആന്റിജൻ പരിശോധനയിൽ 13 പേർക്കും രോഗം കണ്ടെത്തി. വക്കത്ത് 6 പേരുടെ ആന്റിജൻ പരിശോധനയിൽ ആർക്കും രോഗമില്ല. മുദാക്കൽ പഞ്ചായത്തിലെ 12 പേർക്കും ചിറയിൻകീഴ് പഞ്ചായത്തിലെ 8പേർക്കും കിഴുവിലത്തെ 2 പേർക്കും കടക്കാവൂർ, ചെറുന്നിയൂർ, ശാസ്തവട്ടം എന്നിവിടങ്ങളിലെ ഒരാളിനു വീതവുമാണ് രോഗം കണ്ടെത്തിയത്.