തിരുവനന്തപുരം : സംസ്ഥാനത്ത് 9016 പേർക്ക് കൂടി കൊവിഡ് സ്ഥിരീകരിച്ചു. 7464 പേർ സമ്പർക്കരോഗികളാണ്. 1321 പേരുടെ ഉറവിടം വ്യക്തമല്ല. ടെസ്റ്റ് പോസിറ്റിവിറ്റി 17.31 ശതമാനമാണ്. കഴിഞ്ഞ 24 മണിക്കൂറിനിടെ 52,067 സാമ്പിളുകളാണ് പരിശോധിച്ചത്.

104 ആരോഗ്യ പ്രവർത്തകരും രോഗബാധിതരായി. 26 മരണങ്ങളും റിപ്പോർട്ട് ചെയ്തു. മലപ്പുറത്താണ് ഏറ്റവും കൂടുതൽ കേസുകൾ റിപ്പോർട്ട് ചെയ്തത്:1519. തൃശൂർ 1109, എറണാകുളം 1022, കോഴിക്കോട് 926, തിരുവനന്തപുരം 848, പാലക്കാട് 688, കൊല്ലം 656, ആലപ്പുഴ 629, കണ്ണൂർ 464, കോട്ടയം 411, കാസർകോട് 280, പത്തനംതിട്ട 203, ഇടുക്കി 140, വയനാട് 121 എന്നിങ്ങനെയാണ് മറ്റുജില്ലകളിലെ സ്ഥിതി.

അതേസമയം ചികിത്സയിലായിരുന്ന 7991 പേർ രോഗമുക്തരായി. വിവിധ ജില്ലകളിലായി 2,76,900 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 2,51,935 പേർ വീട്/ഇൻസ്റ്റിറ്റ്യൂഷണൽ ക്വാറന്റൈനിലും 24,965 പേർ ആശുപത്രികളിലും നിരീക്ഷണത്തിലാണ്.

ആകെ രോഗികൾ -3,34,228

ചികിത്സയിലുള്ളവർ- 96,004

രോഗമുക്തർ- 2,36,989

ആകെ മരണം- 1139