മഞ്ചേരി: അഞ്ചുലിറ്റർ ചാരായവുമായി യുവാവിനെ മഞ്ചേരി എക്‌സൈസ് സംഘം അറസ്റ്റു ചെയ്തു. അരിമ്പ്ര വീട്ടിൽ അറുമുഖൻ മകൻ അജീഷിനെയാണ്(31) പെരകമണ്ണ കിഴക്കെചാത്തല്ലൂരിൽ നിന്നും മഞ്ചേരി എക്‌സൈസ് സർക്കിൾ ഇൻസ്‌പെക്ടർ ജി.വിനോജും സംഘവും അറസ്റ്റ് ചെയ്തത്. രഹസ്യ വിവരത്തിന്റെ അടിസ്ഥാനത്തിൽ നടത്തിയ റെയ്ഡിൽ പ്രിവന്റീവ് ഓഫീസർ എം. ഹരികൃഷ്ണൻ, സിവിൽ എക്‌സൈസ് ഓഫീസർ ഷബീർ മൈത്ര, ഡ്രൈവർ വി. ശശീന്ദ്രൻ എന്നിവർ പങ്കെടുത്തു. പ്രതിയെ മഞ്ചേരി ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി 14 ദിവസത്തേക്ക് റിമാൻഡ് ചെയ്തു.