;തിരുവനന്തപുരം: കൊവിഡ് വ്യാപനത്തെ തുടർന്ന് സംസ്ഥാനത്ത് ചരക്കുകളുടെയും സേവനങ്ങളുടെയും ഉപഭോഗം 37ശതമാനം കുറഞ്ഞു.

ജി.എസ്.ടി പരിധിയിൽ വരുന്ന ചരക്കുകളുടെയും സേവനങ്ങളുടെയും നികുതി വരുമാനത്തിന്റെ അടിസ്ഥാനത്തിൽ ജി.എസ്.ടി വകുപ്പും , ഇൻസ്റ്റിറ്റ്യൂട്ട് ഒഫ് ഇൻഫർമേഷൻ ടെക്നോളജി ആൻഡ് മാനേജ്മെന്റ് കേരളയും നടത്തിയ പഠനത്തിലാണ് കണ്ടെത്തൽ.കൊവിഡ് കാര്യമായി ബാധിച്ച 2020 മാർച്ച് മുതൽ ആഗസ്ത് വരെയും, 2019ൽ ഇതേ കാലഘട്ടത്തിലെയും നികുതി വരുമാനം തമ്മിലാണ് താരതമ്യം നടത്തിയത്. കഴിഞ്ഞ വർഷം വരുമാനം 10079 കോടിയായിരുന്നെങ്കിൽ ഈ വർഷം അത് 6307 കോടിയായി ഇടിഞ്ഞു. പഴം, പച്ചക്കറി, പാൽ , കാ‌ർഷിക ഉപകരണങ്ങൾ തുടങ്ങിയ ചരക്കുകളും പൊതുഗതാഗതം, ഓട്ടോ, മെട്രോ തുടങ്ങിയ സേവനങ്ങളും ജി.എസ്.ടി പരിധിയിൽ വരില്ല.

സംസ്ഥാനത്തെ ജി.എസ് .ടി വരുമാനത്തിന്റെ 82 ശതമാനവും ചരക്കുകളിൽ നിന്നാണ്. സേവന മേഖലയുടെ സംഭാവന 18 ശതമാനമാണ്. ചരക്കുകളെ 16 വിഭാഗങ്ങളായാണ് തിരിച്ചത്. ഇതിൽ കെട്ടിട നിർമ്മാണ ഉപകരണങ്ങൾ, ഇലക്ട്രിക്, ഇലക്ട്രോണിക്ക് ഉല്പന്നങ്ങൾ എന്നിവയിൽ നിന്നാണ് ജി.എസ്. ടി വരുമാനത്തിന്റെ പകുതിയും . പലചരക്കു വസ്തുക്കൾ, കൃഷി, ആഭരണങ്ങൾ, ടെക്സറ്റൈൽസ്, വീട്ടുപകരണങ്ങൾ, ഫുട് വെയ‌ർ തുടങ്ങിയവയിൽ നിന്ന് 19 ശതമാനം വരുമാനവും..

സേവന മേഖലയിൽ നിന്നുള്ള ജി.എസ്. ടി വരുമാനത്തിന്റെ മൂന്നിൽ രണ്ടും ധനകാര്യ, കെട്ടിട നി‌ർമ്മാണ, ടെലികോം മേഖലകളി. നിന്നാണ്.താമസം, ഭക്ഷണം, ചരക്കുഗതാഗതം, പാട്ടം, വാടക, വിദ്യാഭ്യാസം, വിനോദം തുടങ്ങിയ സേവന മേഖലകൾ ആകെ.ജി.എസ്. ടി വരുമാനത്തിന്റെ 3 ശതമാനമേ വരൂ.

ഏറ്റവും വരുമാനക്കുറവ് ഓട്ടോമൊബൈൽ, -51%, ടെക്സ്റ്റൈൽസ്-68%, ഫുട് വെയർ-66%, വീട്ടുപകരണങ്ങൾ -53.1% എന്നിവയ്ക്കാണ്. സേവന മേഖലയിൽ നിന്നുള്ള ജി.എസ്. ടി വരുമാനം 2019 മാർച്ച് - ആഗസ്റ്റിലെ 1922 കോടിയിൽ നിന്ന് ,2020ലെ ഇതേ കാലയളവിൽ 1213 കോടിയായി ഇടിഞ്ഞു.

ജി.​എ​സ്.​ ​ടി​ ​:​ ​കേ​ര​ള​ത്തി​ന് ന​ഷ്ട​പ​രി​ഹാ​രം​ 9006​ ​കോ​ടി

തി​രു​വ​ന​ന്ത​പു​രം​:​ ​ജി.​എ​സ്.​ടി​ ​ന​ഷ്ട​പ​രി​ഹാ​ര​മാ​യി​ ​കേ​ര​ള​ത്തി​ന് ​കേ​ന്ദ്ര​ത്തി​ൽ​ ​നി​ന്ന് ​ആ​കെ​ 9006​ ​കോ​ടി​ ​രൂ​പ​ ​കി​ട്ടും.​ ​ഇ​തി​ൽ​ 915​ ​കോ​ടി​ ​കി​ട്ടി​ക്ക​ഴി​ഞ്ഞു.
2021​ ​ജ​നു​വ​രി​ ​വ​രെ​യു​ള്ള​ ​ക​ണ​ക്കു​ക​ളെ​ ​അ​ടി​സ്ഥാ​ന​മാ​ക്കി​യാ​ണി​ത്.​ ​ഇ​തി​ൽ​ 3239​ ​കോ​ടി​ ​കേ​ന്ദ്ര​ത്തി​ന് ​ല​ഭി​ച്ച​ ​സെ​സി​ൽ​ ​നി​ന്നും​ ,5767​ ​കോ​ടി​ ​കേ​ന്ദ്രം​ ​വാ​യ്പ​ ​എ​ടു​ത്തു​മാ​യി​രി​ക്കും.​ ​ഇ​നി​ 60,000​ ​കോ​ടി​യെ​ച്ചൊ​ല്ലി​യാ​ണ് ​ത​ർ​ക്ക​മു​ള്ള​ത്.​ ​അ​ത് ​കൊ​വി​ഡ​‌് ​കാ​ര​ണ​മു​ള്ള​ ​ന​ഷ്ട​മാ​ണ്.​ ​അ​ത് ​കേ​ന്ദ്രം​ ​വാ​യ്പ​ ​എ​ടു​ത്തു​ ​ന​ൽ​കി​യാ​ൽ​ ,​ ​ആ​വ​ക​യി​ൽ​ 3000​ ​കോ​ടി​രൂ​പ​ ​കൂ​ടി​ ​കി​ട്ടും.​ .​ ​ഇ​നി​ ​സെ​സ് ​വ​ഴി​ 2324​ ​കോ​ടി​യാ​ണ് ​കേ​ര​ള​ത്തി​ന് ​കി​ട്ടാ​നു​ള്ള​ത്.​ ​എ​ല്ലാ​ ​സം​സ്ഥാ​ന​ങ്ങ​ളും​ ​കേ​ന്ദ്ര​ത്തി​ന് ​ത​ങ്ങ​ളു​ടെ​ ​അ​നു​വാ​ദം​ ​ന​ൽ​കി​യ​ ​ശേ​ഷം​ ​റി​സ​ർ​വ് ​ബാ​ങ്ക് ​വ​ഴി​ ​പ്ര​ത്യേ​ക​ ​വി​ൻ​ഡോ​ ​തു​റ​ന്ന് ​വാ​യ്പ​ ​എ​ടു​ത്ത​ ​പ​ണം​ ​വി​ത​ര​ണം​ ​ചെ​യ്യും.​ ​വാ​യ്പ​ ​വ​ഴി​ ​കേ​ര​ള​ത്തി​ന് 5767​ ​കോ​ടി​ ​രൂ​പ​ ​കി​ട്ടും.​ ​ഈ​ ​തു​ക​ ​ഗ​ഡ​‌ു​ക്ക​ളാ​യി​ട്ടാ​കും​ ​വി​ത​ര​ണം​ ​ചെ​യ്യു​ക.​ ​ഐ.​ജി.​എ​സ്.​ടി​ ​വ​ഴി​ 834​ ​കോ​ടി​ ​കൂ​ടി​ ​ഈ​യാ​ഴ്ച​ ​കേ​ന്ദ്ര​ത്തി​ൽ​ ​നി​ന്ന് ​കി​ട്ടും.