നാഗർകോവിൽ: കരിങ്കലിൽ മൂന്നുകിലോ കഞ്ചാവുമായി രണ്ടുപേരെ പൊലീസ് അറസ്റ്റുചെയ്‌തു. തിക്കനകോട് സ്വദേശികളായ കുമാർ (47), സുഖിൻ (35) എന്നിവരാണ് പിടിയിലായത്. കരിങ്കൽ ജംഗ്ഷനിൽ കഞ്ചാവ് വിൽക്കുന്നതായി എസ്.ഐ മോഹന അയ്യറിന് ലഭിച്ച രഹസ്യവിവരത്തെത്തുടർന്ന് കരിങ്കൽ ജംഗ്ഷനിൽ നടത്തിയ പരിശോധനയിലാണ് ഇവർ പിടിയിലായത്. ഇവരിൽ നിന്ന് മൂന്ന് കിലോ കഞ്ചാവും പൊലീസ് പിടികൂടി. പ്രതികളെ റിമാൻഡ് ചെയ്‌തു.