ചിറയിൻകീഴ്: പെരുമാതുറ കുടുംബാരോഗ്യ കേന്ദ്രത്തിന്റെ പുതിയ ബ്ലോക്ക് മന്ദിരത്തിന്റെ നിർമ്മാണോദ്ഘാടനം ഡെപ്യൂട്ടി സ്പീക്കർ വി. ശശി നിർവഹിച്ചു. ഡെപ്യൂട്ടി സ്പീക്കറുടെ മണ്ഡലം ആസ്തി വികസന ഫണ്ടിൽ നിന്ന് 29 ലക്ഷം രൂപ ചെലവഴിച്ചാണ് പുതിയ മന്ദിരം നിർമ്മിക്കുന്നത്. ചിറയിൻകീഴ് ഗ്രാമ പഞ്ചായത്ത്‌ പ്രസിഡന്റ്‌ എസ്. ഡീന അദ്ധ്യക്ഷത വഹിച്ചു. ചിറയിൻകീഴ് ബ്ലോക്ക് പഞ്ചായത്ത്‌ പ്രസിഡന്റ്‌ ആർ. സുഭാഷ് മുഖ്യാതിഥിയായിരുന്നു. ജില്ലാ വൈസ് പ്രസിഡന്റ്‌ അഡ്വ. എ. ഷൈലജ ബീഗം, ചിറയിൻകീഴ് ഗ്രാമ പഞ്ചായത്ത്‌ വൈസ് പ്രസിഡന്റ്‌ എം.വി. കനകദാസ്, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ നസീഹ.എൻ, ക്ഷേമ കാര്യ സ്റ്റാൻഡിംഗ് കമ്മിറ്റി ചെയർമാൻ പി. മണികണ്ഠൻ, വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ആർ. സരിത, പഞ്ചായത്ത്‌ ആസൂത്രണ സമിതി വൈസ് ചെയർമാൻ എം. അബ്ദുൽ വാഹിദ്, മെഡിക്കൽ ഓഫീസർ ഡോ .അർനോൾഡ് ദീപക് തുങ്ങിയവർ പങ്കെടുത്തു.