കിളിമാനൂർ: ന​ഗരൂർ പഞ്ചായത്തിലെ പതിനൊന്നാം വാർഡിൽ നവീകരിച്ച ലക്ഷംവീട് താന്നിയിൽ റോഡ് ഗതാഗതയോഗ്യമാക്കി. വർഷങ്ങളായി തകർന്നുകിടന്ന റോഡ് ബി. സത്യൻ എം.എൽ.എയുടെ ആസ്തിവികസന ഫണ്ടിൽ നിന്ന് പത്ത് ലക്ഷം രൂപ ചെലവിലാണ് കോൺക്രീറ്റിം​ഗ് നടത്തി ​ഗതാ​ഗതയോ​ഗ്യമാക്കിയത്. റോഡിന്റെ ഉദ്ഘാടനം ബി. സത്യൻ എം.എൽ.എ നിർവഹിച്ചു. പഞ്ചായത്ത് പ്രസിഡന്റ് എം. രഘു അദ്ധ്യക്ഷത വഹിച്ചു. സി.പി.എം ലോക്കൽ സെക്രട്ടറി എം. ഷിബു, ലോക്കൽകമ്മറ്റിയം​ഗം ഡി. രജിത് തുടങ്ങിയവർ സംസാരിച്ചു. പഞ്ചായത്ത് സ്റ്റാൻഡിംഗ് കമ്മറ്റി ചെയർമാൻ നെടുമ്പറമ്പ് പി. സു​ഗതൻ സ്വാ​ഗതം പറഞ്ഞു. ക്വറന്റൈൻ സെന്ററിൽ 63 ദിവസം സേവനം നടത്തി പ്രതിഫലമായി കിട്ടിയ അരലക്ഷത്തോളം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകിയ കൊവിഡ് പ്രതിരോധ പ്രവർത്തകൻ ഡി. രജിത്തിനെ പ്രദേശവാസികൾക്കായി ബി. സത്യൻ മെമന്റോ നൽകി ആദരിച്ചു.