കോലഞ്ചേരി: അന്യ സംസ്ഥാന തൊഴിലാളി ക്യാമ്പിൽ ലക്ഷങ്ങൾ മറിയുന്ന ചൂതാട്ടം. പട്ടിമറ്റത്ത് കുന്നത്തുനാട് പൊലീസ് നടത്തിയ റെയ്ഡിൽ അര ലക്ഷത്തോളം രൂപ പിടിച്ചെടുത്തു. നാലു പേർ പിടിയിൽ. അസാം സ്വദേശി​കളായ നസിറുൾ ഇസ്ലാം (28), ഹോജയ് ആലി (30), റോബിയുൻ ഹുസൈൻ (26), പശ്ചി​മബംഗാളുകാരൻ സുകുമാർ ബർമ്മൻ(24) എന്നിവരെയാണ് ഇൻസ്പെക്ടർ ഒഫ് പൊലീസ് വി.ടി ഷാജന്റെ നേതൃത്വത്തിൽ അറസ്റ്റ് ചെയ്തത്.

പി.പി റോഡിൽ ഡബിൾപ്പാലത്തിനു സമീപം വാടകക്കെടുത്ത കെട്ടിടത്തിലെ മുറിയിലായി​രുന്നു ചൂതാട്ട കേന്ദം. ജനലുകളും വാതിലും പ്രത്യേകം കർട്ടിനിട്ട് മറച്ച് ആധുനി​ക സൗകര്യങ്ങളും ഒരുക്കിയി​രുന്നു. വി​വിധ ക്യാമ്പുകളിൽ നിന്ന് ഇവിടെ നിരവധി പേർ ചൂതാട്ടത്തിനെത്തുന്നതായി പൊലീസിനു വിവരം ലഭിച്ചിരുന്നു. പണവും പണത്തിനു പകരം ടോക്കൺ സമ്പ്രദായവുമാണ്. ഞായറാഴ്ചകളിൽ മുറി വാടകയ്ക്ക് എടുത്ത ആൾ കളിക്കാനെത്തുന്നവരിൽ നിന്ന് നിശ്ചിത തുക കമ്മീഷൻ ഇനത്തിലും വാങ്ങും.