തിരുവനന്തപുരം : ദേശീയബാലതരം​ഗത്തിന്റെ ആഭിമുഖ്യത്തിൽ വിജയദശമി ദിനത്തിൽ

ഉമ്മൻചാണ്ടി കുരുന്നുകൾക്ക് ആദ്യക്ഷരം കുറിച്ചു. തിരുവനന്തപുരം ജ​ഗതിയിലെ ഉമ്മൻചാണ്ടിയുടെ വസതിയിൽ ദേശീയബാലതരം​ഗം ചെയർമാൻ ടി. ശരത്ചന്ദ്ര പ്രസാദിന്റെ അദ്ധ്യക്ഷതയിൽ നടന്ന വിദ്യാരംഭ ചടങ്ങിൽ ഇരുപതോളം കുട്ടികൾക്കാണ് ഉമ്മൻചാണ്ടി വിദ്യാരംഭം നടത്തിയത്. 14 ജില്ലകളിലായി നടന്ന ദേശീയബാലതരം​ഗത്തിന്റെ വിദ്യാരംഭ-കലാപഠന ചടങ്ങുകളുടെ സംസ്ഥാനതല ഉദ്ഘാടനം ഉമ്മൻചാണ്ടി നിർവഹിച്ചു. നിയമസഭയിൽ 50 വർഷം പൂർത്തിയാക്കിയ ഉമ്മൻചാണ്ടിയെ ചടങ്ങിൽ ദേശീയബാലതരം​ഗം ആദരിച്ചു. പ്ലസ്ടു പരീക്ഷയിൽ 1200 ൽ 1200 മാർക്കും കരസ്ഥമാക്കിയ ദേശീയബാലതരം​ഗം സംസ്ഥാന പ്രസിഡന്റ് കുമാരി ശലഭയ്ക്ക് ഉമ്മൻചാണ്ടി ഉപഹാരം നൽകി. ദേശീയബാലതരം​ഗം രക്ഷിതാക്കളുടെ സംസ്ഥാനതല വാട്സാപ്പ് സം​ഗീത കൂട്ടായ്മ സം​ഗീത സംവിധായകനായ ദർശൻ രാമന് ലോ​ഗോ നൽകി ഉമ്മൻചാണ്ടി ഉദ്ഘാടനം ചെയ്തു. ഡോ. എം.ആർ. തമ്പാൻ, മറിയാമ്മ ഉമ്മൻചാണ്ടി, ചാണ്ടി ഉമ്മൻ, ദേശീയബാലതരം​ഗം പ്രസിഡന്റ് ശലഭ, പൂവച്ചൽ സൂധീർ, ടി.പി. പ്രസാദ്, റോബിൻസൺ, ജയശ്രീ, കരകുളം ശശി,ദീപു, നാസർ പള്ളിപ്പുറം, മുഹമ്മദ്, ആദിത്യകൃഷ്ണ, നിതിൻ ബാബു, ജാവേദ്, അൽസഫ്, പ്രശാന്ത്, ശ്യാം എന്നിവർ പങ്കെടുത്തു.

caption ദേശീയബാലതരം​ഗത്തിന്റെ ആഭിമുഖ്യത്തിൽ വിജയദശമി ദിനത്തിൽ ഉമ്മൻചാണ്ടി കുരുന്നുകൾക്ക് ആദ്യക്ഷരം കുറിക്കുന്നു