തിരുവനന്തപുരം: അമൃത് പദ്ധതിയുടെ ഭാഗമായി വാട്ടർ അതോറിട്ടി അരുവിക്കരയിൽ നടപ്പാക്കുന്ന 75 എം.എൽ.ഡി പ്ളാന്റിന്റെ എല്ലാ പണികളും നവംബർ 30നകം പൂർത്തിയാക്കാൻ മന്ത്രി കടകംപള്ളി സുരേന്ദ്രൻ നിർദ്ദേശം നൽകി. പദ്ധതി പ്രവർത്തനങ്ങളുടെ പുരോഗതി വിലയിരുത്താനെത്തിയതായിരുന്നു മന്ത്രി. നിർമ്മാണ പുരോഗതിയിൽ മന്ത്രി സംതൃപ്തി പ്രകടിപ്പിച്ചു. ശേഷിക്കുന്ന പണി എത്രയും വേഗം പൂർത്തിയാക്കുന്നതിന് നടപടികൾ സ്വീകരിക്കാൻ ഉദ്യോഗസ്ഥർക്ക് നിർദ്ദേശം നൽകി. എല്ലാ ആഴ്ചയിലും ബന്ധപ്പെട്ട ഉദ്യോഗസ്ഥരെ ഉൾപ്പെടുത്തി അവലാേകന യോഗം നടത്താനും മന്ത്രി നിർദ്ദേശിച്ചു.