തിരുവനന്തപുരം: കൊവിഡ് മാനദണ്ഡങ്ങൾ പാലിച്ച് സംസ്ഥാനത്ത് ബാറുകൾ അടുത്തയാഴ്ച തുറന്നേക്കും. ഇതിനുള്ള നടപടികളുമായി സർക്കാർ മുന്നോട്ടു പോവുകയാണ്. തദ്ദേശ തിരഞ്ഞെടുപ്പ് പ്രഖ്യാപനത്തിനു മുമ്പ് ബാറുകൾ തുറക്കണമെന്ന നിലപാടിലാണ് സർക്കാർ. നവംബർ 5 ന് തദ്ദേശ തിരഞ്ഞെടുപ്പ് പ്രഖ്യാപനം വരുമെന്നാണ് സൂചന. അതിനുമുമ്പ് ബാറുകൾ തുറന്നില്ലെങ്കിൽ,​ ഫലപ്രഖ്യാപനം കഴിഞ്ഞേ തുറക്കാനാകൂ. അത് ഡിസംബർ അവസാനമാകും. അടുത്ത വർഷം ആദ്യം നിയമസഭാ തിരഞ്ഞെടുപ്പും നടത്തേണ്ടിവരും. ഈ സാഹചര്യത്തിലാണ് ബാറുകൾ വേഗം തുറക്കാനൊരുങ്ങുന്നത്.

മറ്റ് സംസ്ഥാനങ്ങളിൽ ബാറുകൾ പ്രവർത്തിക്കുന്നതിനാൽ ഇവിടെയും തുറക്കാൻ അനുവദിക്കണമെന്ന് കാണിച്ച് എക്സൈസ് വകുപ്പ് സർക്കാരിന് ഒരു മാസം മുമ്പ് കത്ത് നൽകിയിരുന്നു. ബാർ ഉടമകളും ഇതേ ആവശ്യം ഉന്നയിച്ചിരുന്നു. എന്നാൽ കൊവിഡ് വ്യാപനം കൂടിക്കൊണ്ടിരിക്കുന്ന സാഹചര്യത്തിൽ ബാറുകൾ ഉടൻ തുറക്കേണ്ട എന്ന നിലപാടായിരുന്നു സർക്കാർ സ്വീകരിച്ചിരുന്നത്. ആ തീരുമാനം മാറ്റിയാണ് ബാറുകൾ തുറക്കാൻ ഒരുങ്ങുന്നത്. സംസ്ഥാനം നേരിടുന്ന സാമ്പത്തിക പ്രതിസന്ധി പരിഹരിക്കാൻ ബാർ തുറക്കുന്നത് അനുകൂലമാവുമെന്ന വിലയിരുത്തലുമുണ്ട്.

കൊ​വി​ഡ് ​മാ​ന​ദ​ണ്ഡ​ങ്ങ​ൾ​ ​പാ​ലി​ക്കു​ന്നു​ണ്ടെ​ന്ന് ​ഉ​റ​പ്പു​വ​രു​ത്താ​ൻ​ ​എ​ക്‌​സൈ​സ്,​ ​പൊ​ലീ​സ്,​ ​റ​വ​ന്യൂ​ ​വി​ഭാ​ഗ​ങ്ങ​ൾ​ ​ബാ​റു​ക​ളി​ൽ​ ​പ​രി​ശോ​ധ​ന​ ​ന​ട​ത്തും.​ ​ഒ​രു​ ​മേ​ശ​യ്ക്ക് ​ഇ​രു​വ​ശ​വും​ ​ര​ണ്ട് ​പേർക്ക് ​ ​മാ​ത്രം​ ​ഇ​രി​ക്കാം.​ ​ ​കൃ​ത്യ​മാ​യ​ ​അ​ക​ലം​ ​പാ​ലി​ക്ക​ണം.​ ​മേ​ശ​ക​ൾ​ക്കി​ട​യി​ലും​ ​ ​അ​ക​ലം​ ​വേ​ണം.​ ​ഭ​ക്ഷ​ണം​ ​പ​ങ്കു​വ​ച്ച് ​ക​ഴി​ക്കാ​ൻ​ ​അ​നു​വ​ദി​ക്കി​ല്ല.​ ​ബാ​ർ​ ​ജീ​വ​ന​ക്കാ​ർ​ ​മാ​സ്‌​കും​ ​കൈ​യു​റ​യും​ ​ധ​രി​ക്ക​ണം.​ ​നി​ലവി​ൽ​ ​പാ​ഴ്സ​ൽ​ ​കൗ​ണ്ട​ർ​ ​മാ​ത്ര​മാ​ണ് ​പ്ര​വ​ർ​ത്തി​ക്കു​ന്ന​ത്.