തിരുവനന്തപുരം: കൊവിഡിനെ തു‌ടർന്നുണ്ടായ സാമ്പത്തിക പ്രതിസന്ധിയിൽ സർക്കാർ ജീവനക്കാരുടെയും അദ്ധ്യാപകരുടെയും പിടിച്ചുവച്ച ശമ്പളം തിരികെ നൽകാൻ വിജ്ഞാപനമിറക്കി സംസ്ഥന സർക്കാർ.

ഏപ്രിൽ മുതൽ ഓഗസ്റ്റ് വരെ പിടിച്ചുവച്ച ശമ്പളം 2021 ഏപ്രിൽ ഒന്നിന് പി.എഫിൽ ലയിപ്പിക്കും. 2021 ജൂൺ ഒന്നിന് ശേഷം ജീവനക്കാർക്ക് തുക പിൻവലിക്കാം. പി.എഫ് നിക്ഷേപത്തിന്റെ പലിശ ഇതിനുമുണ്ടാകും. പി.എഫ് ഇല്ലാത്തവർക്ക് 2021 ജൂൺ ഒന്നു മുതൽ ഒക്ടോബർ വരെ തവണകളായി തുക തിരിച്ചു നൽകും.