വെഞ്ഞാറമൂട്: വലിയകട്ടയ്‌ക്കാലിൽ നിയന്ത്രണംവിട്ട കാർ ഇടിച്ചുകയറി മതിൽ തകർന്നു. ആറ്റിങ്ങൽ ഭാഗത്തു നിന്നും വെഞ്ഞാറമൂട് ഭാഗത്തേക്ക് വന്ന കാറാണ് അപകടത്തിൽപ്പെട്ടത്. കഴിഞ്ഞ ദിവസം ഉച്ചയോടെയായിരുന്നു അപകടം. വലിയകട്ടയ്‌ക്കാൽ സ്വദേശി അമലിന്റെ വീടിന്റെ മുൻ വശത്തെ മതിലാണ് തകർന്നത്. വാഹനത്തിൽ ഡ്രൈവർ മാത്രമാണ് ഉണ്ടായിരുന്നത്. ഇയാൾ നിസാര പരിക്കുകളോടെ രക്ഷപ്പെട്ടു. ഡ്രൈവർ ഉറങ്ങിപ്പോയതാകാം അപകട കാരണമെന്ന് പൊലീസ് പറഞ്ഞു.