തിരുവനന്തപുരം ശബരിമലയിൽ മണ്ഡല മകരവിളക്ക് തീർത്ഥാടനകാലത്ത് പ്രതിദിനം 1000 തീർത്ഥാടകർക്ക് ദർശനത്തിന് സൗകര്യമൊരുക്കുമെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു. ശബരിമലയിലെത്തുന്ന വിശിഷ്ടവ്യക്തികളുടെ എണ്ണവും ക്രമീകരിക്കും. ആകെ തീർത്ഥാടകരുടെ എണ്ണത്തിന് ആനുപാതികമായിക്കും അവരുടെ പ്രവേശനം.
മറ്റു സംസ്ഥാനങ്ങളിൽ നിന്നു വരുന്ന തീർത്ഥാടകർ കൊവിഡ് ബാധിതരായാൽ താത്പര്യമുള്ളവർക്ക് ആവശ്യമായ സൗകര്യവും ചികിത്സയും നൽകും. മടങ്ങിപ്പോകുന്നവർക്ക് യാത്രാ സൗകര്യം ഒരുക്കും.