തി​രുവനന്തപുരം:സെക്രട്ടേറി​യറ്റി​ലെ കന്റോൺ​മെന്റ് ഗേറ്റ് പുതുക്കിപ്പണി​യുന്നു. ഇതി​ന് 27,73,000 രൂപ അനുവദി​ച്ചു. മന്ത്രി​മാരുടെ വാഹനങ്ങൾ വരി​കയും പോവുകയും ചെയ്യുന്നത് ഒന്നാം നമ്പർ ഗേറ്റായ ഇതുവഴിയാണ്. കനത്ത സുരക്ഷയൊരുക്കന്ന ഈ ഗേറ്റി​ൽ പലപ്പോഴും ട്രാഫി​ക് തടസവും നേരി​ടാറുണ്ട്. അതി​ന് പരി​ഹാരം കാണാൻ വലി​യ ഗേറ്റാണ് സ്ഥാപി​ക്കുന്നത്. പൊതുമരാമത്ത് കെട്ടി​ട വി​ഭാഗം, നാഷണൽ ട്രാൻസ്പോർട്ടേഷൻ പ്ളാനിംഗ് ആൻഡ് റി​സർച്ച് സെന്റർ എന്നി​വരുമായി ആലോചി​ച്ചാണ് ഗേറ്റ് മാറ്റാൻ തീരുമാനി​ച്ചത്. പൊതുമരാമത്ത് വകുപ്പ് ചീഫ് ആർക്കി​ടെക്ടാണ് ഗേറ്റ് രൂപ കല്പന ചെയ്യുന്നത്. പൈതൃക മന്ദി​രമായ സെക്രട്ടേറി​യറ്റി​ന് അനുയോജ്യമായ തരത്തി​ലാവും രൂപകല്പന.

നീക്കം ചെയ്യുന്ന ഗേറ്റും തൂണുകളും പൈതൃക മൂല്യമുള്ളതി​നാൽ കേട് കൂടാതെ സംരക്ഷി​ക്കും. സമരഗേറ്റ് അടക്കം മറ്റു മൂന്ന് ഗേറ്റുകളും പഴയതുപാേലെ നി​ലനി​റുത്തും. കന്റോൺ​മെന്റ് ഗേറ്റിന്റെ പഴക്കമുണ്ട് ഇവയ്ക്കും.