തിരുവനന്തപുരം:ജില്ലയിൽ ഇന്നലെ 790 പേർക്കു കൂടി കൊവിഡ് സ്ഥിരീകരിച്ചു. 562 പേർ രോഗമുക്തരായി. നിലവിൽ 8774 പേരാണ് രോഗം സ്ഥിരീകരിച്ച് ചികിത്സയിൽ കഴിയുന്നത്. ഇന്നലെ രോഗം സ്ഥിരീകരിച്ചവരിൽ 643 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ ഏഴു പേർ ആരോഗ്യ പ്രവർത്തകരാണ്. രോഗലക്ഷണങ്ങളെത്തുടർന്ന് ജില്ലയിൽ 1,971 പേരെക്കൂടി നിരീക്ഷണത്തിലാക്കി. ഇവരടക്കം ആകെ 25,005 പേർ വീടുകളിലും 171 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,983 പേർ രോഗലക്ഷണങ്ങളില്ലാതെ നിരീക്ഷണകാലയളവ് പൂർത്തിയാക്കി.

പുതുതായി നിരീക്ഷണത്തിലായവർ -1,971

ആകെ നിരീക്ഷണത്തിലുള്ളവ‌ർ -25676

ഇന്നലെ രോഗമുക്തി നേടിയവർ - 562

നിരീക്ഷണ കാലയളവ് പൂർത്തിയാക്കിയവർ -1983

 ചികിത്സയിലുള്ളവർ - 8774