കൽപ്പറ്റ: ജില്ലയിൽ ഇന്നലെ 148 പേർക്ക് കൊവിഡ് സ്ഥിരീകരിച്ചു. മൂന്ന് ആരോഗ്യ പ്രവർത്തകർ ഉൾപ്പെടെ 145 പേർക്കും സമ്പർക്കത്തിലൂടെയാണ് രോഗബാധ. 96 പേർ രോഗമുക്തരായി ആശുപത്രി വിട്ടു.
ഇന്നലെ വൈറസ് ബാധ സ്ഥിരീകരിച്ചവരിൽ 3 പേർ ഇതര സംസ്ഥാനങ്ങളിൽ നിന്ന് വന്നവരാണ്. രോഗികളിൽ ഒരാളുടെ ഉറവിടം വ്യക്തമല്ല.
ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 4980 ആയി ഉയർന്നു. 3791 പേർ ഇതുവരെ രോഗമുക്തരായി. ചികിത്സയിലിരിക്കെ 25 പേർ മരിച്ചു. നിലവിൽ 1164 പേരാണ് ചികിത്സയിലുള്ളത്. ഇവരിൽ 307 പേർ വീടുകളിലാണ് ഐസൊലേഷനിൽ കഴിയുന്നത്. 31 പേർ ഇതര ജില്ലകളിൽ ചികിത്സയിലാണ്.
സമ്പർക്കം
അമ്പലവയൽ സ്വദേശികൾ 20, മേപ്പാടി 19, കണിയാമ്പറ്റ 18, വെള്ളമുണ്ട 14, കൽപ്പറ്റ, മീനങ്ങാടി സ്വദേശികൾ 10 വീതം, തിരുനെല്ലി, ബത്തേരി 8 വീതം, എടവക, പടിഞ്ഞാറത്തറ, മുട്ടിൽ 5 വീതം, മൂപ്പൈനാട് 4 , മാനന്തവാടി, നൂൽപ്പുഴ , വൈത്തിരി 3 വീതം, കോട്ടത്തറ, തവിഞ്ഞാൽ 2 വീതം, പൊഴുതന, പൂതാടി, തരിയോട്, പനമരം 1 വീതം. ഇതിനു പുറമെ ഒരു കോഴിക്കോട് സ്വദേശിയും ഒരു തമിഴ്‌നാട് സ്വദേശിയും.
ഇതര സംസ്ഥാനങ്ങളിൽ
നിന്ന് വന്നവർ
അരുണാചൽ പ്രദേശിൽ നിന്ന് വന്ന മാനന്തവാടി സ്വദേശി, ബിഹാറിൽ നിന്ന് വന്ന വെള്ളമുണ്ട സ്വദേശി, തമിഴ്‌നാട്ടിൽനിന്നും വന്ന നെന്മേനി സ്വദേശി.
രോഗമുക്തർ
കൽപ്പറ്റ സ്വദേശികൾ 9, പനമരം, തവിഞ്ഞാൽ 6 വീതം, കണിയാമ്പറ്റ, മാനന്തവാടി 5 വീതം, മേപ്പാടി, കോട്ടത്തറ, തരിയോട് 4 വീതം, വൈത്തിരി 3, പടിഞ്ഞാറത്തറ, മുട്ടിൽ, പൊഴുതന, മീനങ്ങാടി, എടവക, വെള്ളമുണ്ട 2 വീതം, പൂതാടി, മൂപ്പൈനാട്, തൊണ്ടർനാട്, പിങ്ങോട്, നൂൽപ്പുഴ, നെന്മേനി 1 വീതം. ഇതിനു പുറമെ വീടുകളിൽ നിരീക്ഷണത്തി ലായിരുന്ന 23 പേർക്കും മലപ്പുറം സ്വദേശികളായ 5 പേർക്കും എറണാകുളം (3), തമിഴ്‌നാട് (1) രോഗം ഭേദമായി.
നിരീക്ഷണത്തിൽ 527
ഇന്നലെ പുതുതായി നിരീക്ഷണത്തിലായത് 527 പേരാണ്. 268 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളത് 4577 പേർ. ഇന്നലെ വന്ന 113 പേർ ഉൾപ്പെടെ 888 പേർ ആശുപത്രിയിലാണ്. ജില്ലയിൽ നിന്ന് ഇന്നലെ 1753 പേരുടെ സാമ്പിൾ പരിശോധനയ്ക്ക് അയച്ചു. ഇതുവരെ പരിശോധനയ്ക്കയച്ച 1,06,878 സാമ്പിളിൽ 1,04,731 പേരുടെ ഫലം ലഭിച്ചു. ഇതിൽ 99,751 നെഗറ്റീവും 4,980 പോസിറ്റീവുമാണ്.
#
ജില്ലയിൽ മരിച്ച 2 പേർക്ക് കൊവിഡ് പോസിറ്റീവ്
കൽപ്പറ്റ:നൂൽപ്പുഴ തോട്ടമൂല ലക്ഷംവീട് കോളനിയിലെ മനു (30) ആണ് മരിച്ചത്. 9ന് വൈകിട്ട് മരിച്ച നിലയിൽ കാണപ്പെടുകയായിരുന്നു. ബത്തേരി താലൂക്ക് ആശുപത്രിയിൽ നടത്തിയ കൊവിഡ് പരിശോധനാഫലം പോസിറ്റീവ് ആയി.
മീനങ്ങാടി യൂക്കാലിക്കവല സുധീഷ് (23) ആണ് കോഴിക്കോട് മെഡിക്കൽ കോളേജിൽ വച്ച് മരിച്ചത്. ഒരാഴ്ച മുമ്പ് ക്ഷയരോഗം സ്ഥിരീകരിച്ചിരുന്നു കൊവിഡ് പരിശോധനാഫലം പോസിറ്റീവ് ആണ്.