കൽപ്പറ്റ: മാരക മയക്കുമരുന്നായ എം.ഡി.എം.എ യുമായി യുവാവ് എക്‌സൈസിന്റെ പിടിയിലായി. കണിയാമ്പറ്റ പറളിക്കുന്ന് മുഹമ്മദ് സുഹൈലി (22) നെയാണ് കൽപ്പറ്റ എക്‌സൈസ് സർക്കിൾ ഇൻസ്‌പെക്ടർ ഷാജഹാനും സംഘവും അറസ്റ്റ് ചെയ്തത്.

കൽപ്പറ്റ കൈനാട്ടി ജംഗ്ഷനിൽ വെച്ച് കഴിഞ്ഞ ദിവസം പുലർച്ചെ വാഹന പരിശോധനക്കിടെയാണ് കാറിൽ മയക്കുമരുന്നുമായി വന്ന യുവാവ് പിടിയിലായത്. പാർട്ടി ഡ്രഗ് എന്ന അറിയപ്പെടുന്ന എം.ഡി.എം.എ 4 ഗ്രാം, 25 ഗ്രാം കഞ്ചാവ് എന്നിവ ഇയാളിൽ നിന്ന് കണ്ടെടുത്തു. ഇയാൾ സഞ്ചരിച്ച കെ.എ 51 എം 0441 കാറും എക്‌സൈസ് സംഘം കസ്റ്റഡിയിലെടുത്തു.പ്രിവന്റീവ് ഓഫീസർ കൃഷ്ണൻകുട്ടി, സി.ഇ.ഒ മാരായ ജോഷി തുമ്പാനം, നിഥിൻ, സുജിത്ത്, ശ്രീധരൻ, ചന്തു, സുരേന്ദ്രൻ, വൈശാഖ് എന്നിവരും പരിശോധനയിൽ പങ്കാളികളായി.