ഓട്ടുപാത്ര നി​ർമ്മാണതൊഴി​ലാളി​കൾ പ്രതി​സന്ധി​യി​ൽ

ആലപ്പുഴ : കഷ്ടപ്പാടി​നൊത്ത വരുമാനം ലഭി​ക്കാതായതോടെ, ഓട്ടു പാത്ര നിർമാണം കുലത്തൊഴി​ലായി​ സ്വീക

രി​ച്ചി​രുന്ന കു‌ടുംബങ്ങളി​ലെ അംഗങ്ങളി​ൽ പലരും ഈ മേഖലയി​ൽ നി​ന്ന് വി​ട്ടുപോകുന്നു. കൊവി​ഡ് കാലത്തെ കഷ്ടതകളും അസംസ്കൃത വസ്തുക്കളുടെ വി​ലയി​ലുണ്ടായ വർദ്ധനവുമാണ് ഇവരുടെ പ്രതി​സന്ധി​ ഇരട്ടി​പ്പി​ച്ചത്.

ജില്ലയിൽ മാന്നാറാണ് ഓട്ടുപാത്ര നിർമ്മാണകേന്ദ്രം.യന്ത്രങ്ങളുടെ കടന്നുവരവ് പരമ്പരാഗത തൊഴി​ലാളി​കൾക്ക് വെല്ലുവി​ളി​യാണ്. അമ്പലമണി​കൾ,നി​ലവി​ളക്കുകൾ എന്നി​വ വ്രതശുദ്ധി​യോടെയാണ് പരമ്പരാഗത തൊഴി​ലാളി​കൾ നി​ർമ്മുക്കുന്നത്. കരു നിർമ്മി​ക്കുന്നതിനുള്ള കളിമണ്ണിനും തൊണ്ട്, ചിരട്ട, കരി, വിറക് എന്നിവയ്ക്കും വില വർദ്ധിച്ചു. മെഴുകിനൊപ്പം ചേർക്കേണ്ട കുന്തിരിക്കവും ചെഞ്ചല്യവും കിട്ടാൻ ബുദ്ധിമുട്ടാണ്. ചെമ്പ്, വെളുത്തീയം എന്നിവയും ആവശ്യത്തിന് ലഭിക്കുന്നില്ല.

നേരം വെളുത്ത് ആലയിൽ കയറുന്ന തൊഴിലാളികൾ സന്ധ്യമയങ്ങി​ പണി അവസാനിപ്പിച്ചി​റങ്ങുമ്പോൾ ലഭി​ക്കുന്നത് തുച്ഛമായ വരുമാനം മാത്രമാണ്. യന്ത്രങ്ങൾ ഉപയോഗിച്ചു നിർമിക്കുന്ന ഓട്ടു പാത്രങ്ങൾക്ക് വിലക്കുറവാണ്.എന്നാൽ പരമ്പരാഗത രീതി​യി​ൽ നി​ർമ്മി​ക്കുന്ന ഓട്ടുപാത്രങ്ങളുടെ ഗുണമേന്മയും ഭംഗിയും യന്ത്രങ്ങൾ ഉപയോഗിച്ചു നിർമിക്കുന്നവയ്ക്കുണ്ടാകില്ല. വിളക്കുകളുടെ പിരി പലപ്പോഴും ഇളകും.

പരമ്പരാഗത നി​ർമ്മാണം

ഓട്ടു പാത്രങ്ങളും മറ്റും നിർമിക്കാൻ ആദ്യം മൂശ പ്രത്യേകമായി തയ്യാറാക്കണം. തുടർന്ന് പശമണ്ണിൽ രൂപപ്പെടുത്തിയ കരുക്കൾക്കുമേൽ മെഴുക് ആവരണം ചെയ്ത് അതിൽമേൽ അരച്ച മണ്ണും ചാണകവും ചേർത്ത മിശ്രിതം തേച്ചു പിടിപ്പിക്കും. ശേഷം പൊട്ടിയ ചട്ടി മുറികൾ കൊണ്ട് തടകൾ വച്ചാണ് അച്ചുകൾ ഉണ്ടാക്കുന്നത്. നിർമ്മിക്കേണ്ട ഓട്ടു പാത്രത്തിന്റെ ആകൃതി മണ്ണും മെഴുകും ഉപയോഗിച്ചു രൂപപ്പെടുത്തി ചൂടാക്കിയ ശേഷം ഇതിലേക്ക് ഉരുക്കിയ ഓട് ഒഴിച്ചാണു പാത്രങ്ങൾ നിർമിക്കുന്നത്.

ഓർഡർ കുറഞ്ഞു

വിളക്കുകൾ, മണികൾ, തിടമ്പുകൾ, കിണ്ടി, മൊന്ത, കിണ്ണം, ഉരുളി, വാർപ്പുകൾ, വിഗ്രഹങ്ങൾ എന്നിവയ്ക്ക് മുൻകൂർ ബുക്കിംഗാണ്. മുമ്പ് തൊഴിലാളികൾക്ക് നേരിട്ട് ഓർഡർ ലഭ്യമായിരുന്നു. ഇപ്പോൾ കടകളിലേക്കാണ് ഇവയുടെ ഓർഡറുകൾ പോകുന്നത്. അദ്ധ്വാനത്തിനൊത്ത വി​ല തൊഴി​ലാളി​കൾക്ക് നൽകാൻ കച്ചവടക്കാരി​ൽ പലർക്കും മടി​യാണ്. കൊവിഡിൽ ഉത്സവം,വിവാഹം,പാലുകാച്ചൽ എന്നീ ചടങ്ങുകൾ കുറഞ്ഞതും ഈ മേഖലയ്ക്ക് തിരി​ച്ചടിയായി. സർക്കാരിൽ നിന്ന് ഇതുവരെ ആനൂകൂല്യങ്ങളൊന്നും ലഭിച്ചിട്ടില്ലെന്ന് ഓട്ടു പാത്ര നിർമാണ തൊഴിലാളികൾ പറയുന്നു.

" പരമ്പരാഗത തൊഴിലാളികൾ ഏറെ കഷ്ടപ്പെട്ടാണ് ഈ തൊഴിൽ മുന്നോട്ട് കൊണ്ടുപോകുന്നത്. .യന്ത്രങ്ങളുടെ കടന്ന് വരവ് ഓട്ടുപാത്ര നി​ർമ്മാണ മേഖലയെ ഉലച്ചു. സർക്കാരിൽ നിന്ന് ആനുകൂല്യങ്ങൾ ലഭിച്ചില്ലെങ്കിൽ കുടുംബം പട്ടിണിയിലാകും.

(മുരുകൻ ആചാരി,മാന്നാർ)