ആലപ്പുഴ: ജില്ലയിൽ ഇന്നലെ 765 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 8440 ആയി. ഒരാൾ വിദേശത്തു നിന്നും രണ്ടുപേർ അന്യസംസ്ഥാനങ്ങളിൽ നിന്നും എത്തിയതാണ്. 726 പേർക്ക് സമ്പർക്കത്തിലൂടെയാണ് രോഗം ബാധിച്ചത്. 36 പേരുടെ സമ്പർക്ക ഉറവിടം വ്യക്തമല്ല. 672 പേരുടെ പരിശോധനാഫലം നെഗറ്റീവായതോടെ 27,009 പേർ രോഗ മുക്തരായി.

ജില്ലയിൽ നിരീക്ഷത്തിലുള്ളവർ:13,296

വിവിധ ആശുപത്രികളിലുള്ളവർ: 5982

ഇന്നലെ ആശുപത്രിയിൽ പ്രവേശിപ്പിച്ചവർ:288

34 കേസ്, 20 അറസ്റ്റ്

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 34 കേസുകളിൽ 20 പേരെ അറസ്റ്റ് ചെയ്തു. മാസ്‌ക്
ധരിക്കാത്തതിന് 268 പേർക്കും സാമൂഹ്യ അകലം പലിക്കാത്തതിന് 732 പേർക്കും നിരോധനാജ്ഞ ലംഘനം നടത്തിയ ഒരു കേസിൽ എട്ട് പേർക്കുമെതിരെ നടപടി എടുത്തു.