മാന്നാർ: മാന്നാർ പഞ്ചായത്ത് പതിനെട്ടാം വാർഡിലെ മണപ്പുറം പുഞ്ച പൊതുവന പറക്കാട് - കൊച്ചുതറ തോട് പ്രവൃത്തികളുടെ നിർമ്മാണോദ്ഘാടനം സജി ചെറിയാൻ എം.എൽ.എ നിർവഹിച്ചു. പഞ്ചായത്ത് പ്രസിഡന്റ് പ്രമോദ് കണ്ണാടിശ്ശേരിൽ അദ്ധ്യക്ഷനായി. 62.70 ലക്ഷമാണ് വകയിരുത്തിയിരിക്കുന്നത്. മണ്ണ് സംരക്ഷണ വകുപ്പ് ഡയറക്ടർ എസ്. സുബ്രഹ്മണ്യൻ പദ്ധതി വിശദീകരണം നടത്തി. കൊടിക്കുന്നിൽ സുരേഷ് എം.പി, മാന്നാർ അബ്ദുൾ ലത്തീഫ്, ബി. രാജേഷ് കുമാർ, ഹരികുമാർ, ഹരിദാസ് കിം കോട്ടേജ്, ചെങ്ങന്നൂർ മണ്ണു സംരക്ഷണ ഓഫീസർ ലൈജു മാണി എന്നിവർ സംസാരിച്ചു.