ആലപ്പുഴ: ആകാശവാണിയുടെ ആലപ്പുഴ പ്രക്ഷേപണ നിലയം അടിയന്തരമായി അടച്ചുപൂട്ടാനുള്ള തീരുമാനം ഒരാഴ്ചത്തേയ്ക്ക് മരവിപ്പിച്ചു ഉത്തരവു ലഭിച്ചതായി എ.എം. ആരിഫ് എം.പി. അറിയിച്ചു. കേന്ദ്രം അടച്ചുപൂട്ടാനുള്ള നീക്കത്തിൽ പ്രതിഷേധിച്ച്, ആലപ്പുഴ പ്രസരണിയിൽ സന്ദർശനം നടത്തിയ എം.പി കേന്ദ്ര വാർത്താവിതരണ പ്രക്ഷേപണ മന്ത്രി പ്രകാശ് ജാവദേക്കറുമായും പ്രസാർ ഭാരതി സി.ഇ.ഒ ശശി ശേഖറുമായും ടെലിഫോണിൽ ബന്ധപ്പെട്ട് പ്രതിഷേധം അറിയച്ചതിനെ തുടർന്നാണ് നടപടി. ആലപ്പുഴ പ്രസരണി അടച്ചു പൂട്ടാനുള്ള തീരുമാനം പിൻ വലിച്ചില്ലെങ്കിൽ സമരപരിപാടികളുമായി മുന്നോട്ടുപോകുമെന്ന് എം.പി. മുന്നറിയിപ്പു നൽകി.