ആലപ്പുഴ: ജില്ലയിൽ ഇന്നലെ 479 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 9056 ആയി. 444 പേർക്ക് സമ്പർക്കത്തിലൂടെയാണ് രോഗം ബാധിച്ചത്.35 പേരുടെ സമ്പർക്ക ഉറവിടം വ്യക്തമല്ല . 471 പേരുടെ പരിശോധനാഫലം നെഗറ്റീവായതോടെ 28,871പേർ രോഗ മുക്തരായി.

കൃഷ്ണപുരം സ്വദേശി ഗംഗാധരൻ (86), കടക്കരപ്പള്ളി സ്വദേശിനി സുശീലാമ്മ (72), മാവേലിക്കര സ്വദേശിനി കുഞ്ഞിക്കുട്ടി(76) എന്നിവരുടെ മരണം കൊവിഡ് മൂലമെന്ന് സ്ഥിരീകരിച്ചു.

 ജില്ലയിൽ നിരീക്ഷത്തിലുള്ളവർ:14,483

 വിവിധ ആശുപത്രികളിലുള്ളവർ: 6732

 ഇന്നലെ ആശുപത്രിയിൽ പ്രവേശിപ്പിച്ചവർ: 274

..............................

32 കേസ്, 15 അറസ്റ്റ്

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 32 കേസുകളിൽ 15 പേരെ അറസ്റ്റ് ചെയ്തു. മാസ്‌ക് ധരിക്കാത്തതിന് 301 പേർക്കും സാമൂഹ്യ അകലം പലിക്കാത്തതിന് 960 പേർക്കും നിരോധനാജ്ഞ ലംഘനം നടത്തിയ ഒരു കേസിൽ ആറു പേർക്കും എതിരെ നടപടി എടുത്തു.