ചേർത്തല: ഇന്ത്യൻ റെഡ്‌ക്രോസ് സൊസൈറ്റി ചേർത്തല താലൂക്ക് കമ്മിറ്റിയുടെ ആഭിമുഖ്യത്തിൽ തങ്കി സെന്റ് റീത്താസ് മാനസികാരോഗ്യ ആശുപത്രിയിലെ അന്തേവാസികൾക്ക് സൗജന്യമായി കൊതുകു വലകൾ വിതരണം ചെയ്തു.റെഡ് ക്രോസ് താലൂക്ക് ചെയർമാൻ അഡ്വ.കെ.രാധാകൃഷ്ണൻ വിതരണോദ്ഘാടനം നിർവഹിച്ചു. ആശുപത്രി ഡയറക്ടർ സിസ്റ്റർ ഷേർളി ആന്റണി ഏറ്റുവാങ്ങി.റെഡ് ക്രോസ് താലൂക്ക് സെക്രട്ടറി വിനോദ് മായിത്തറ,തൈക്കൽ സത്താർ,സി.എമരിറ്റ,സി.ആൻ സെന്റ്,സുരേഷ് മാമ്പറമ്പിൽ എന്നിവർ പങ്കെടുത്തു.