ആലപ്പുഴ: ജില്ലയിൽ ഇന്നലെ 641 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 8699 ആയി. ഇന്നലെ രോഗം സ്ഥിരീകരിച്ചവരിൽ ഒരാൾ വിദേശത്തു നിന്നും അഞ്ചുപേർ അന്യസംസ്ഥാനങ്ങളിൽ നിന്നും എത്തിയതാണ്. 628പേർക്ക് സമ്പർക്കത്തിലൂടെയാണ് രോഗബാധ. അഞ്ച് പേരുടെ സമ്പർക്ക ഉറവിടം വ്യക്തമല്ല . രണ്ട് ആരോഗ്യപ്രവർത്തകർക്ക് രോഗം സ്ഥിരീകരിച്ചു. 559പേരുടെ പരിശോധനാഫലം നെഗറ്റീവായതോടെ രോഗമുക്തരായവരുടെ എണ്ണം 30222 ആയി.

 ജില്ലയിൽ നിരീക്ഷണത്തിലുള്ളവർ:14,300

 വിവിധ ആശുപത്രികളിലുള്ളവർ: 6158

 ഇന്നലെ ആശുപത്രിയിൽ പ്രവേശിപ്പിച്ചവർ: 272

40 കേസുകൾ, 20 അറസ്റ്റ്
ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 40 കേസുകളിൽ 20 പേരെ അറസ്റ്റ് ചെയ്തു. മാസ്‌ക് ധരിക്കാത്തതിന് 418 പേർക്കും സാമൂഹ്യ അകലം പലിക്കാത്തതിന് 764 പേർക്കും നിരോധനാജ്ഞ ലംഘനം നടത്തിയ ഒരു കേസിൽ അഞ്ച് പേർക്ക് എതിരെയും നടപടി എടുത്തു.