ആലപ്പുഴ: ജില്ലയിൽ ഇന്നലെ 521 പേർക്ക് കൂടി കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 8504 ആയി. 505പേർക്ക് സമ്പർക്കത്തിലൂടെയാണ് രോഗബാധ.14 പേരുടെ സമ്പർക്ക ഉറവിടം വ്യക്തമല്ല . ഒരു ആരോഗ്യപ്രവർത്തകനും രോഗം സ്ഥിരീകരിച്ചു. 716പേരുടെ പരിശോധനാഫലം നെഗറ്റീവായതോടെ രോഗ മുക്തരായവരുടെ ആകെ എണ്ണം 30938ആയി. മാനഞ്ചേരി സ്വദേശി ശിവദാസൻ(63), കാരക്കാട് സ്വദേശി എ.എൻ.രാധാകൃഷ്ണപിള്ള(74) എന്നിവരുടെ മരണം കൊവിഡ് മൂലമാണെന്ന് സ്ഥിരീകരിച്ചു.

ജില്ലയിൽ നിരീക്ഷണത്തിലുള്ളവർ:14,662

വിവിധ ആശുപത്രികളിലുള്ളവർ: 6508

ഇന്നലെ ആശുപത്രിയിൽ പ്രവേശിപ്പിച്ചവർ: 262

35 കേസ്, 17 അറസ്റ്റ്

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 35 കേസുകളിൽ 17 പേരെ അറസ്റ്റ് ചെയ്തു. മാസ്‌ക് ധരിക്കാത്തതിന് 260 പേർക്കും സാമൂഹ്യ അകലം പലിക്കാത്തതിന് 898 പേർക്കും
നിരോധനാജ്ഞ ലംഘനം നടത്തിയ ഒരു കേസിൽ അഞ്ചു പേർക്കും എതിരെ നടപടി എടുത്തു.