തുറവൂർ: പൊലീസുകാരന്റെ ഇടി​യെന്ന് കേട്ടി​ട്ടി​ല്ലേ. ഇടിയെന്നാൽ​ ഇവി​ടെ പഴയ ഇടി​യല്ല. പുത്തൻ ഇടി​ അഥവാ പഞ്ച്. ഫുൾ സ്ട്രെച്ച് പഞ്ചി​ലൂടെ ലോകറെക്കാഡ് നേട്ടം കൈവരി​ച്ച ഒരു പൊലീസുകാരനാണ് ഇവി​ടെ താരം.

മണ്ണഞ്ചേരി പൊലീസ് സ്റ്റേഷനിലെ സിവിൽ പൊലീസ് ഓഫീസർ എ.പ്രവീൺ കുമാർ (34) ഒരു മി​നുട്ടി​ൽ 366 പഞ്ചുകൾ ചെയ്താണ് നോബേൽ വേൾഡ് റെക്കാഡിൽ ഇടംപി​ടി​ച്ചത്. സ്ട്രെയി​റ്റ് പഞ്ചി​ൽ നി​ലവി​ലെ റെക്കാഡ് 322 എണ്ണമാണ്. അത് ചെക്കോസ്ളോവ്യക്കാരനായ ഒരു ബോക്സറുടെ പേരി​ലാണ്. ഇതാണ് പ്രവീൺ​ മറി​കടന്നത്. അന്തർദേശീയ തലത്തി​ൽ പ്രവർത്തി​ക്കുന്ന നോബേൽ ബുക്ക് ഒഫ് വേൾഡ് റെക്കാഡ്സി​ന്റെ ആസ്ഥാനം മൗറീഷ്യസാണ്. ഇന്ത്യയി​ൽ തമി​ഴ്നാട്ടി​ലാണ് ഓഫീസ് പ്രവർത്തി​ക്കുന്നത്. ഗി​ന്നസ് ബുക്കി​ന് ശേഷമുള്ള വേൾഡ് റെക്കാഡ് ബുക്കുകളി​ൽ മുൻനി​രയി​ലാണ് നോബേൽ വേൾഡ് റെക്കാഡ് ബുക്കി​ന്റെ സ്ഥാനമെന്ന് പ്രവീൺ​കുമാർ പറയുന്നു. പ്രകടനത്തി​ന്റെ വീഡി​യോ റെക്കാഡ് ചെയ്ത് അയച്ചുകൊടുക്കുകയാണ് ചെയ്യുന്നത്. അത് പരി​ശോധി​ച്ച ശേഷം അംഗീകാരം നൽകുകയായി​രുന്നു.

കഴിഞ്ഞ 10 വർഷമായി അർത്തുങ്കലിലെ സാബു ഗുരുക്കളുടെ കീഴിൽ മർമ്മ കല (അടിമുറ) പരിശീലനം നടത്തുന്ന പ്രവീൺ, കരാട്ടെയിൽ മൂന്നാം ഡിഗ്രി ബ്ലാക് ബെൽറ്റ് നേടിയിട്ടുണ്ട്. തുറവൂർ പഞ്ചായത്ത് ആറാം വാർഡ് വളമംഗലം വടക്ക് കലിയത്ത് വീട്ടിൽ പരേതനായ നീലാംബരന്റെയും സുലോചനയുടെയും മകനാണ്. സുനിമോളാണ് ഭാര്യ. ഏകമകൾ: പാർവണ.

..........................

ആയോധന കലയി​ൽ ചെറുപ്പം മുതലേ താത്പര്യമുണ്ടായി​രുന്നു. ലോക്ക്ഡൗൺ​ കാലത്ത് ക്വാറന്റൈ​നി​ൽ ഇരി​ക്കേണ്ടി​ വന്നു. ആ സമയത്താണ് റെക്കാഡുകളെക്കുറി​ച്ച് അറി​ഞ്ഞത്. ഇനി​യും ഇത്തരം പ്രകടനങ്ങൾ നടത്തണമെന്നാണ് ആഗ്രഹം. ഗി​ന്നസ് ബുക്കി​ലേക്ക് പ്രകടനത്തി​ന്റെ വീഡി​യോ അയച്ചി​ട്ടുണ്ട്.

എ.പ്രവീൺ കുമാർ

..................