ആലപ്പുഴ: ത്രിതല പഞ്ചായത്ത് തിരഞ്ഞെടുപ്പിൽ യു.ഡി.എഫ് സ്ഥാനാർത്ഥികളെ ആർ.എസ്.പി(ബി) പിന്തുണയ്ക്കുമെന്ന് സംസ്ഥാന ജനറൽ സെക്രട്ടറി എ.വി.താമരാക്ഷൻ വാർത്താസമ്മേളനത്തിൽ അറിയിച്ചു. പിണറായി സർക്കാർ അധികാരത്തിൽ വരുമ്പോൾ 1,59,523 രൂപ ആയിരുന്ന പൊതുകടം നാലുവർഷം കൊണ്ട് മൂന്ന് ലക്ഷം കോടിയിൽ എത്തി. ലാവ് ലിൻ കേസ് നീട്ടിക്കൊണ്ടു പോകുന്നത് ബി.ജെ.പിയുടെ സഹായത്താലാണ്. സർക്കാർ സഹായത്തോടെ കോജേജുകളും സ്കൂളുകളും മയക്കുമരുന്ന് കേന്ദ്രങ്ങളാക്കി മാറ്റി. അമിത് ഷാ, നരേന്ദ്ര മോദി എന്നിവരുടെ വിശ്വാസ്യത തെളിയിക്കപ്പെടുന്നത് സ്വർണ്ണക്കള്ളക്കടത്ത് കേസിന്റെ അവസാനഘട്ടത്തിലായിരിക്കുമെന്നും താമരാക്ഷൻ പറഞ്ഞു. വാർത്താസമ്മേളനത്തിൽ ഡി.രാധാകൃഷ്ണപ്പണിക്കർ, മുരളി ചേമ്പിക്കാട്, എ.പി.ജോർജ്, പ്രമോദ് ഒറ്റക്കണ്ടം എന്നിവരും പങ്കെടുത്തു.