ആലപ്പുഴ: ജില്ലയിലെ തിരഞ്ഞെടുപ്പ് പ്രചാരണങ്ങളിലും നടത്തിപ്പിലും ഹരിത നിയമാവലി ചട്ടം നിർബന്ധമാക്കുമെന്ന് ജില്ലാ കളക്ടർ എ. അലക്‌സാണ്ടർ പറഞ്ഞു. കളക്ടറേറ്റിൽ ഹരിതകർമസേന, ശുചിത്വ സേന, മറ്റു വകുപ്പ് ഉദ്യോഗസ്ഥരുമായുള്ള ചർച്ചയിൽ സംസാരിക്കുകയായിരുന്നു അദ്ദേഹം.
തിരഞ്ഞെടുപ്പുമായി ബന്ധപ്പെട്ട ഔദ്യോഗിക പരസ്യങ്ങൾ, സൂചകങ്ങൾ, ബോർഡുകൾ തുടങ്ങിയവ കോട്ടൻ തുണി, പേപ്പർ തുടങ്ങിയ പുനചംക്രമണം ചെയ്യാൻ കഴിയുന്ന പരിസ്ഥിതിസൗഹൃദ വസ്തുക്കൾ മാത്രം ഉപയോഗിച്ച് നിർമ്മിക്കുവാൻ കുടുംബശ്രീയുടെ സഹായം തേടും. . പോളിംഗ് ഉദ്യോഗസ്ഥർക്കുള്ള ഭക്ഷണവും കുടിവെള്ളവും വിതരണം ചെയ്യാൻ പ്റാദേശിക കുടുംബശ്രീ യൂണിറ്റുകളെ ചുമതലപ്പെടുത്തും. ഭക്ഷണം വിതരണം ചെയ്യാൻ പ്ലാസ്റ്റിക് ബോട്ടിലും കണ്ടെയ്‌നറുകളും ഉപയോഗിക്കരുതെന്നും കളക്ടർ പറഞ്ഞു.
യോഗത്തിൽ എ.ഡി.എം ജെ. മോബി, ഹരികേരള മിഷൻ ജില്ലാ കോഓർഡിനേറ്റർ കെ. എസ്. രാജേഷ്, ശുചിത്വ മിഷൻ ജില്ലാ കോഓർഡിനേറ്റർ പി .വി .ജയകുമാരി എന്നിവർ പങ്കെുത്തു.