ആലപ്പുഴ: ജില്ലയിൽ ഇന്നലെ 468 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 8754 ആയി. ഇന്നലെ രോഗം സ്ഥിരീകരിച്ചവരിൽ രണ്ട് പേർ അന്യസംസ്ഥാനത്തു നിന്നും എത്തിയതാണ്. 462പേർക്ക് സമ്പർക്കത്തിലൂടെയാണ് രോഗം ബാധിച്ചത് . നാലു
പേരുടെ സമ്പർക്ക ഉറവിടം വ്യക്തമല്ല . 415പേരുടെ പരിശോധനാഫലം ഇന്നലെ നെഗറ്റീവായതോടെ ആകെ രോഗമുക്തരുടെ എണ്ണം 31724 ആയി. ചെങ്ങന്നൂർ സ്വദേശി ഹംസ(80), കരുവാറ്റ സ്വദേശി ടി.കെ.ജോസഫ്(80) എന്നിവരുടെ മരണം കൊവിഡ് മൂലമാണെന്ന് സ്ഥിരീകരിച്ചു.
ജില്ലയിൽ നിരീക്ഷണത്തിലുള്ളവർ:15,417
വിവിധ ആശുപത്രികളിലുള്ളവർ: 6612
ഇന്നലെ ആശുപത്രിയിൽ പ്രവേശിപ്പിച്ചവർ: 244
35 കേസുകൾ, 18 അറസ്റ്റ്
ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 35 കേസുകളിൽ 18 പേരെ അറസ്റ്റ് ചെയ്തു. മാസ്‌ക്ക്
ധരിക്കാത്തതിന് 286 പേർക്കും സാമൂഹ്യ അകലം പലിക്കാത്തതിന് 797 പേർക്കും നിരോധനാജ്ഞ ലംഘനം നടത്തിയതിന് ഏഴ് പേർക്കെതിരെയും നടപടിയെടുത്തു.