ആലപ്പുഴ: ജില്ലയിൽ ഇന്നലെ 637 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 8325ആയി. ഇന്നലെ രോഗം സ്ഥിരീകരിച്ചവരിൽ മൂന്ന് പേർ അന്യസംസ്ഥാനങ്ങളിൽ നിന്നും ഒരാൾ വിദേശത്തുനിന്നും എത്തിയതാണ്. 624പേർക്ക് സമ്പർക്കത്തിലൂടെയാണ് രോഗബാധ. ഒൻപത് പേരുടെ സമ്പർക്ക ഉറവിടം വ്യക്തമല്ല. 368പേരുടെ പരിശോധനാഫലം നെഗറ്റീവായതോടെ രോഗ മുക്തരായവരുടെ എണ്ണം 34418 ആയി. കലവൂർ സ്വദേശി വിനോദ് (48), കൈനകരി സ്വദേശിനി ത്രേസ്യാമ്മ ജോസഫ് (68), മാവേലിക്കര സ്വദേശിനി സാറാമ്മ ചെല്ലപ്പൻ(73) എന്നിവരുടെ മരണം കൊവിഡ് മൂലമാണെന്ന് ഇന്നലെ സ്ഥിരീകരിച്ചു.

 ജില്ലയിൽ നിരീക്ഷണത്തിലുള്ളവർ:14,192

വിവിധ ആശുപത്രികളിലുള്ളവർ: 5769

 ഇന്നലെ ആശുപത്രിയിൽ പ്രവേശിപ്പിച്ചവർ: 218

26 കേസുകൾ, 12 അറസ്റ്റ്
ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് ഇന്നലെ 26 കേസുകളിൽ 12 പേരെ അറസ്റ്റ് ചെയ്തു. മാസ്‌ക് ധരിക്കാത്തതിന് 166 പേർക്കും സാമൂഹ്യ അകലം പാലിക്കാത്തതിന് 375 പേർക്കും എതിരെ നടപടി സ്വീകരിച്ചു.

കണ്ടെയിൻമെന്റ് സോൺ
ചേർത്തല സൗത്ത് വാർഡ് 14, ചെറിയനാട് വാർഡ് 6,8,11, എഴുപുന്ന വാർഡ് 5 എന്നിവ കണ്ടെയിൻമെന്റ് സോണിൽ നിന്നും ഒഴിവാക്കി.