മാവേലിക്കര: നിയന്ത്രണം നഷ്ടമായി റോഡ് റോളർ ഓടയിൽ വീണു. മാവേലിക്കര പൂക്കട ജംഗ്ഷന് സമീപം ഇന്നലെ രാവിലെ ഒൻപതരയോടെയായിരുന്നു അപകടം.
മാവേലിക്കര പി.ഡബ്ല്യു.ഡി റസ്റ്റ് ഹൗസ് റോഡിൽ നിന്ന് പ്രധാന റോഡിലേക്ക് തിരിക്കവേ നിയന്ത്രണം നഷ്ടമായി റോളറിന്റെ മുൻചക്രം ഓടയിൽ വീഴുകയായിരുന്നു. റസ്റ്റ് ഹൗസ് ബോർഡ് തകർത്താണ് റോളർ ഓടയിലേക്ക് ചരിഞ്ഞത്. ക്രെയിൻ ഉപയോഗിച്ച് കെട്ടിവലിച്ചാണ് റോളർ മാറ്റിയത്.